عاجل

فاروق حسني يكشف سبب عدم زواجه.. ويؤكد: «المرأة المصرية عندها غيرة غير طبيعية»

الفنان فاروق حسني
الفنان فاروق حسني

كشف الفنان فاروق حسني وزير الثقافة والآثار الأسبق سبب عدم زواجه حتى الآن؛ قائلا: «دا انا فلت من الجواز وانا صغير، تتجوز علشان أي؟، انا ما اقدرش يبقى عندي أولاد علشان هحتاس بيهم، لأني عاطفي، لكن الجواز ياما اتجوزنا، وحبيت واتحبيت، ولم اندم إطلاقا على عدم الزواج».

وأضاف خلال حوار تليفزيوني ببرنامج «الحكاية» والمذاع عبر قناة «mbc مصر» تقديم الإعلامي عمرو أديب: «في أيام العشرينات ارتبط وعلى جواز وحتى لحد الأربعينات، وما عملتش دا».

واستكمل: «المرأة عندها غيرة غير طبيعية»

وقال الفنان فاروق حسني وزير الثقافة والآثار الأسبق: «العمل بالمتحف المصري الكبير توقف تماما خلال عام 2011، وكان موجود اللواء محمد أمين كان بجيلي دايما، وبلغني رسالة من الرئيس، وقولتله بلغه رسالتين المتحف المصري الكبير ومتحف الحضارة، وابتدي العمل في المتحف مرة أخرى، الرئيس السيسي دفع دفعة كبيرة».

المؤشرات اللي كانت بتطلع

وأوضح وزير الثقافة والآثار الأسبق: «ما كنش فيه مؤشرات على حدوث أحداث 2011، وكان فيه حكومة نظيفة، والوزراء اللي كانوا موجودين كانوا وزراء ليهم أسماء، والمؤشرات اللي كانت بتطلع كانت جيدة».

اجتماع القرية الذكية

وأضاف خلال حوار تليفزيوني ببرنامج «الحكاية» والمذاع عبر قناة «mbc مصر» تقديم الإعلامي عمرو أديب: «كنا في الأيام اللي بدأت فيها الحكاية، كان فيه حاجة بنعملها معينة جه الدكتور نظيف قال نجتمع نعملها، وابتدت الأحداث، واتكلمت قال لازم نجتمع ورحنا في القرية الذكية».

افتتاح معرض الكتاب

واستكمل: «لقيت رئيس الوزراء بيتكلم في الموضوع دا، ويوم الاستقالة الرئيس كلمني عن افتتاح معرض الكتاب، وقالي أرجوك أنت افتتحه، قولتله يا ريس إحنا بنستقيل، قالي طب خلاص».

وأوضح وزير الثقافة والآثار الأسبق: «بعد اللحظات دي شوفته ودعاني في البيت على غداء ودعاني في البيت، كان واعي ومدرك وذهنه صاحي لآخر الوقت».

عقل واع

مؤكدا: «مبارك كان صقر يدرك تماما اللي بيتكلم دا بيتكلم في أي، كان عنده دايما دهشة وتلاقيها في عنيه، وماليش في النهاية في الحكاية دي،بس هو كان بيفتخر بالواحد».

أكبر متحف

وقال الفنان فاروق حسني وزير الثقافة والآثار الأسبق: «قولت للرئيس مبارك عاوزين نعمل أكبر متحف قالي منين يا فاروق، قولتله الأعمال العظيمة بتجيب التمويل، والفكرة نفسها عظيمة، والجميل فيه إن مش بتتعب علشان توصل ليه الأفكار».

 

تم نسخ الرابط