فاروق حسني: ثورة يناير كانت مفاجئة.. وأداء الحكومة كان جيدًا
قال الفنان فاروق حسني وزير الثقافة والآثار الأسبق: «ما كنش فيه مؤشرات على حدوث أحداث 2011، وكان فيه حكومة نظيفة، والوزراء اللي كانوا موجودين كانوا وزراء ليهم أسماء، والمؤشرات اللي كانت بتطلع كانت جيدة».
اجتماع القرية الذكية
وأضاف خلال حوار تليفزيوني ببرنامج «الحكاية» والمذاع عبر قناة «mbc مصر» تقديم الإعلامي عمرو أديب: «كنا في الأيام اللي بدأت فيها الحكاية، كان فيه حاجة بنعملها معينة جه الدكتور نظيف قال نجتمع نعملها، وابتدت الأحداث، واتكلمت قال لازم نجتمع ورحنا في القرية الذكية».
افتتاح معرض الكتاب
واستكمل: «لقيت رئيس الوزراء بيتكلم في الموضوع دا، ويوم الاستقالة الرئيس كلمني عن افتتاح معرض الكتاب، وقالي أرجوك أنت افتتحه، قولتله يا ريس إحنا بنستقيل، قالي طب خلاص».
وأوضح وزير الثقافة والآثار الأسبق: «بعد اللحظات دي شوفته ودعاني في البيت على غداء ودعاني في البيت، كان واعي ومدرك وذهنه صاحي لآخر الوقت».
عقل واع
مؤكدا: «مبارك كان صقر يدرك تماما اللي بيتكلم دا بيتكلم في أي، كان عنده دايما دهشة وتلاقيها في عنيه، وماليش في النهاية في الحكاية دي،بس هو كان بيفتخر بالواحد».
أكبر متحف
وقال الفنان فاروق حسني وزير الثقافة والآثار الأسبق: «قولت للرئيس مبارك عاوزين نعمل أكبر متحف قالي منين يا فاروق، قولتله الأعمال العظيمة بتجيب التمويل، والفكرة نفسها عظيمة، والجميل فيه إن مش بتتعب علشان توصل ليه الأفكار».
وأضاف: «كان فيه فيلا أو استراحة لقائد السلاح الجوي في الأرض اللي حسيت إنها ممكن تكون مكان للمتحف المصري الكبير، قولت مافيش غير الريس، قالي إبعد عن الجيش وننزل نشوف الأرض».
واستكمل: «يومين ونزلنا كان الرئيس والمشير طنطاوي نزلنا نطبش في الرملة، ولقيت الاهرامات بانت، قالي إيه رأيكم في الأرض دي، قولت له جميلة يا ريس، قالي خلص علشان نطلع القرار».
وأوضح وزير الثقافة والآثار الأسبق: «الكلام ده كان سنة 93 أو 94، الحقيقة كان صديقي السفير الإيطالي، قالي شوف عاوزين تعملوا أيه، ولما جه التصميم كانت لجنة من اليونسكو، وساعتها قولت إزاي أبدا».
تأجيل افتتاح المتحف
وقال الفنان فاروق حسني إن تأجيل افتتاح المتحف المصري الكبير إلى الخريف أمر جيد، وأن أي نشاط في العالم يبدأ مع الخريف.
