فاروق حسني: «الحكومة صعبة وعشان توفق بين 30 وزير محتاج عقلية عارفة بكل الوزارت
قال الفنان فاروق حسني وزير الثقافة والآثار الأسبق: «الحكومة صعبة جدا، أنت علشان توفق بين 30 وزير وتصور ورغبة ملحة عاوزة عقلية عارفة كل الوزرات وحاسة بيها».
علاقة فاروق حسني بالمشير طنطاوي
وأضاف خلال حوار تليفزيوني ببرنامج «الحكاية» والمذاع عبر قناة «mbc مصر» تقديم الإعلامي عمرو أديب: «كان فيه صداقات بيني وبين المشير طنطاوي وعمرو موسى ووزير الداخلية، ما كنش ليا دعوة بالجبهات بس دي صدقات».
وأوضح: «المشير طنطاوي وزير دفاع كان بيعزمني احيانا عنده في المكتب ويجبلي كل اللي في دماغك، هو شخص في منتهى البساطة ومنتهى القوة، ما اتكلمش كتير بس لما كان بيتكلم بيفعل».
الكل بيعمله حساب
واستكمل الفنان فاروق حسني: «قراره داخل مجلس الوزراء كان هام، وكان بيتعمل حساب لرأيه، لذلك حاجاتي كلها، كان صديق، وكان فيه علاقه برده بيني وبين حبيب العدل لانه كان جدع مع العساكر والضباط».
كنت متهم وطلعت بالقضاء
وأشار وزير الثقافة والآثار الأسبق: «كل الاسماء وكلنا ظلمنا، كلنا في الهوا سوا، كان فيه ناس قاعدة شغلتها تكتب في ناس، انا فيه حاجات وصلتني والحقيقة كان ممكن اكلم المشير واطلع، لكن قولت لأ، انا متهم لازم يطلعني القضاء، انا متهم وعاوز حقي، والحمد لله اخدت حقي».
تحويل القضية لدائرة أخرى
واستعرض: «من ضمن الحاجات القضايا وبروح واجي وكان شغال معايا مكتبي وماليش دعوة بمحامين أو غيره وحضرنا للمحامي الداتا اللي هيشتغل عليها، لحد ما كان ليا صديق في القضاء قال للمساعد فيه خبر عاوز أقوله للوزير، قاله إنه اتحول لدايرة فيها قاضي طماع محمدي قنصوة، قولتله كويس، وفعلا محمدي قنصوة اداني براءة».
وقال الفنان فاروق حسني وزير الثقافة والآثار الأسبق: «قولت للرئيس مبارك عاوزين نعمل أكبر متحف قالي منين يا فاروق، قولتله الأعمال العظيمة بتجيب التمويل، والفكرة نفسها عظيمة، والجميل فيه إن مش بتتعب علشان توصل ليه الأفكار».
وأضاف: «كان فيه فيلا أو استراحه لقائد السلاح الجوي في الأرض اللي حسيت انها ممكن تكون مكان للمتحف المصري الكبير، قولت مافيش غير الريس، قالي ابعد عن الجيش وننزل نشوف الأرض».
