ملاك الإيجار القديم: لدينا عقود تدفع 60 قرشا والمحلات كارثة
قال مصطفى عبد الرحمن رئيس ائتلاف ملاك الايجار القديم، إنهم يعيشون في ظلم وقهر منذ سنوات طويلة بسبب عقود الايجار القديم، مطالبا بزيادة القيمة الايجارية بحد أدنى 2000 جنيه بالمناطق الشعبية و4 آلاف جنيه في المناطق المتوسطة و8 آلاف جنيه في المناطق الراقية.
المحلات التجارية بالإيجار القديم
وكشف مصطفى عبد الرحمن، خلال حواره ببرنامج "يحدث في مصر"، مع الاعلامي شريف عامر، المذاع على قناة إم بي سي مصر، عن أن هناك عقود ايجارية قيمة الايجار فيها 60 قرشا والمحلات التجارية بالإيجار القديم مصيبة كبرى، مؤكدا أن هناك عوار كبير بقانون الإيجار القديم.
مشروع القانون الجديد للإيجار القديم
وأشار مصطفى عبد الرحمن، إلى أن مشروع القانون الجديد للإيجار القديم حمى المستأجر الغني والفقير على حساب المالك، مؤكدا أن مدة 5 سنوات أبرز المواد التي نعترض عليها في مشروع قانون الايجار القديم، متابعا: "هناك عوار في عقود الايجار القديم للمحلات التجارية وكيف يدعم المالك تاجرا غنيا".
من ناحية أخرى؛ علق الإعلامي مصطفى بكري على مشروع قانون الإيجار القديم؛ قائلا: «والله العظيم ما اعرفش مين اللي كتب القانون دا ومين اللي حطنا في المأذق دا ومين اللي بيزايد على حكم المحكمة الدستورية العليا».
أزمة للملاك والمستأجرين
وأضاف الإعلامي مصطفى بكري خلال تقديم برنامج «حقائق وأسرار» والمذاع عبر قناة «صدى البلد»: «يا جماعة احنا كده بنتسبب في أزمة للملاك والمستأجرين، انتوا عاوزين البلد تروح فين؟، راعوا الوضع الاجتماعي والاقتصادي لمصر وراعوا للظروف اللي بتواجه البلد، راعوا إن فيه رئيس دولة شغال 24 ساعة ليحاول يوقف البلد على رجليها، كل اللي عملناه دا كأنكم بتدفعوا بيه للفوضى».
واستكمل: «ليه؟ ولمصلحة مين وحساب مين؟ مع احترامي وتقديري لكل جهد بيبذل، لكن الكلام دا لو ما كنتش عندي حس سياسي وبقرأ الخريطة جيدا أنا اكرر اللي حصل قبل كده».
وشدد الإعلامي مصطفى بكري: «اوعوا تراهنوا على صبر الناس، اوعوا تراهنوا على إن الناس ساكته، لأ، الناس ساكته علشان الرئيس مديها أمان، بس انتوا باللي بتعملوه دا بتطفوا شعاع الأمان».
