حمو بيكا يتصدر التريند بسبب فيديو مثير للجدل .. ما القصة ؟
تصدر مطرب المهرجانات، حمو بيكا، تريند فيسبوك، في الساعات القليلة الماضية، وذلك بعد تداول فيديو له من إحدى السهرات التي يغني بها.
حمو بيكا يثير الجدل بفيديو
وأثار الفيديو جدلًا واسعًا بسبب استخدام حمو بيكا كلمات مخالفة للآداب العامة وتحمل تلميحات مسيئة للمؤسسة العسكرية، من بينها : "الولا راح الجيش وكانت واسطته في الجيش يا ناس أمه .. الواد ليلة الدخلة ساب مراته وراح نام في حضن أمه".
منة جلال تنتقد حمو بيكا
وأغضب فيديو حمو بيكا عدد من رواد السوشيال ميديا، ومنهن الفنانة منة جلال، والتي شاركت الفيديو عبر صفحتها على فيسبوك، وعلقت منتقدة حمو بيكا : "مالك يا حبيبى مالك يا عنيا .. انت فاهم بتقول إيه .. لما توصل لكده يبقى على البلد دي السلام".
وتابعت منة : "الأستاذ القيمة والقامة حمو بيكا بيغني بيقول الولا راح الجيش وكانت واسطته في الجيش يا ناس أمه .. ودي آخر مؤسسة متماسكة في البلد حرام تتهان الإهانة دي .. من كاتب تافه ومؤدي لا يدرك خطورة مايقول ومستوى يقرف".
تعرض حمو بيكا للسرقة
وفي سياق آخر، أعلن حمو بيكا مؤخرًا، عبر حسابه على فيسبوك، عن تعرضه للسرقة، من مساعده الخاص، الذي كان يعمل معه منذ 6 سنوات، حيث أكد بيكا أن مساعده كان يدخل منزله وقريب منه ومن أسرته، كما يعطيه مفاتيح سياراته ومنازله.
وكتب حمو بيكا كاشفًا خيانة مساعده له : "فجأة ظهرت الخيانة .. عمل نسخ على مفاتيح بيتي وطلع وجاب شخص تاني اسمه حسن فني تكييفات وصحبه من عنده من المنطقة.. وطلع سرق تكييفات وتلاجة وميكروويف وبلاي ستيشن وحاجات كتير من شقتي وأنا مش موجود".
وواصل بيكا متعجبًا من ما فعله مساعده : "طب ليه ؟ ..مع إني ولا عمري قصرت معاه ولا في شغل ولا في بيته ولا مع أهله .. وكان بيلبس من لبسي وينام في بيتي وياكل في بيتي".
وأكد حمو بيكا، أنه تقدم ببلاغ ضد مساعده ثم تنازل عنه من أجل أسرته، حيث كتب : "توجهت إلى قسم شرطة العجوزة .. ووحدة المباحث مشكورة نزلت فحصت موضوع السرقة .. وجالي المسروقات بتاعتي اللي في الصور ولسه في حاجات تانية .. أنا اتنازلت عن المحضر ومرضتش أسجنه علشان خاطر والدته وأهله".
واختتم حمو موجهًا رسالة إلى متابعيه، ومحذرًا إياهم من التعامل مع مساعده، وكتب "ياريت يا جماعة محدش يآمن لأي حد يشتغل معاه .. لازم يكون واثق في معدنه وأصله .. وخالد ده مش شغال معايا ده شخص حرامي وخاين .. وناس تخلي بالها منه .. ولا تشغلوه في أي حتة وحسن فني تكييفات ده ياريت محدش يدخل معاه في شغل.. حسن ده معروف عنه إنه حرامي ونصاب وحسبي الله ونعم الوكيل".
