حمو بيكا يتهم مساعده بالسرقة: "مكنتش بآمن لحد يشيل ليا حاجة غيره"

تعرض مطرب المهرجانات حمو بيكا للسرقة من مساعده، حيث أعلن ذلك من خلال منشور له عبر حسابه الرسمي على موقع التواصل الإجتماعي فيسبوك، وأرفق بهذا المنشور مجموعة من الصور تؤكد حقيقة السرقة.

حمو بيكا يتعرض للسرقة من مساعده 

وقال حمو بيكا من خلال المنشور: “اللي في الصورة ده اسمه خالد سعيد .. شغال معايا مساعد بقاله 6 سنين .. كان دراعي اليمين في كل حاجة .. ويدخل بيتي وسط أهلي ومراتي وعيالي .. ومفاتيح عربياتي وبيوتي بيبقوا معاه .. ومكنتش بآمن لحد يشيل أي حاجة ليا غيره .. فجأة ظهرت الخيانة .. عمل نسخ على مفاتيح بيتي .. وطلع وجاب شخص تاني اللي في صورة تانية .. ده اسمه حسن فني تكييفات وصاحبه ومن عنده من المنطقة .. طلع سرق تكييفات وتلاجة وميكروييف وبلاي ستيشن .. وحاجات كتير من شقتي وأنا مش موجود .. طب ليه .. مع أن ولا عمري قصرت معاه ولا في شغل ولا في بيته ولا مع أهله .. كان بيلبس من لبسي .. وينام في بيتي .. ويأكل في بيتي”.

حمو بيكا يوضح واقعة سرقة خالد له 

واستكمل حمو بيكا قائلًا: “خان عشرة سنين .. وخان كل حاجة فجأة بدون سبب .. ساب شغلي ومشي .. ومدير أعمالي كلمه أنه يرجع الشغل مكنش بيرد عليه نهائي .. وطلعت لاقيت شقتي مفتوحة .. بعد فترة لما مشي من الشغل .. مجاش في بالي لحظة أن هو اللي يعمل كده .. طبعًا أنا مصدوم من اللي حصل .. توجهت إلي قسم شرطة العجوزة .. ووحدة المباحث مشكورة نزلت و فحصت موضوع سرقة خالد .. و جالي مسروقات بتاعتي اللي في الصور .. و لسه في حاجات تانية .. أنا اتنازلت عن المحضر ..ومردتش اسجنه عشان خاطر والدته و أهله .. و ياريت يا جماعة محدش يأمن لأي حد يشتغل معاه .. لازم يكون واثق في معدنه وأصله .. وخالد ده مش شغال معايا .. ده شخص حرامي وخاين ..والناس تخلي بالها منه .. وحسن فني التكييفات ده ياريت محدش يدخل معاه في شغل .. حسن ده معروف عنه أنه حرامي ونصاب .. وحسبي الله ونعمة الوكيل”.