حمو بيكا: "مساعدي خاني وسرقني.. وسامحته عشان أمه"

 فجّر مطرب المهرجانات حمو بيكا مفاجأة صادمة لجمهوره ومتابعيه عبر حسابه الرسمي على موقع التواصل الاجتماعي "فيس بوك"؛ حيث كشف عن تعرضه لعملية سرقة على يد مساعده الشخصي الذي وثق به لسنوات طويلة.
وقال "بيكا" في منشوره: "الي في صوره ده إسمه خالد سعيد، شغال معايا مساعد بقالو 6 سنين وكان دراعي اليمين في كل حاجه ويدخل بيتي وسط أهلي ومراتي وعيالي ومفاتيح عربياتي وبيوتي بيبقو معاه، ومكنتش بآمن لحد يشيل أي حاجه ليا غيره".

مسروقات الشقة

وأضاف "بيكا": "فجاة ظهرت الخيانة؛ عمل نسخ علي مفاتيح بيتي، وطلع وجاب شخص تاني اللي في صورة التانية ده إسمه حسن فني تكيفات، وصحبه، ومن عنده من المنطقة، وطلع سرق تكفيات وتلاجة وميكروويف وبلاي ستيشن وحجات كتير من شقتي، وأنا مش موجود. طب ليهه؟. مع إني ولا عمري قصرت معاه ولا في شغل ولا في بيته ولا مع أهله، وكان بيلبس من لبسي وينام في بيتي وياكل في بيت خان عشرة سنين، وخان كل حاجه. وفجأة وبدون سبب ساب شغلي ومشي. و مدير أعمالي كلمه إنه يرجع شغله، مكنش بيرد علي تلفون نهائي. وطلعت لقيت شقتي مفتوحة. بعد فتره لما مشي من الشغل مجاش في بالي لحظة إن هو اللي يعمل كدة. طبعا أنا مصدوم من اللي حصل".

وكشف المطرب حمو بيكا عن حجم المسروقات قائلًا: "وجالي المسروقات بتاعتي اللي في الصور ولسه في حجات تانية".

لفتة إنسانية

وفي لفتة إنسانية، أعلن بيكا عن قراره بعدم مقاضاة مساعده قائلًا: "أنا اتنازلت عن المحضر ومرضتش أسجنه علشان خاطر والدته وأهله".
ووجه بيكا رسالة تحذيرية لجمهوره قائلًا: "وياريت ياجماعه محدش يأمن لأي حد يشتغل معاه لازم يكون واثق في معدنه وأصله. وخالد ده مش شغال معايا ده شخص حرامي وخاين. والناس تخلي بالها منه ولا تشغله في حتة. وحسن فني التكيفات ده ياريت محدش يدخل معاه في شغل. حسن ده معروف عنه إنه حرامي ونصاب وحسبي الله ونعمة الوكيل".

و تفاعل الآلاف من متابعي حمو بيكا مع منشوره، معبرين عن صدمتهم وتعاطفهم معه، ومنددين بفعلة مساعده السابق.