أحمد موسى: محدش يقدر يمنع إيران أو أى دولة من تنفيذ برنامج نووى سلمي للطاقة
قال الإعلامي أحمد موسى خلال تقديم برنامج «على مسئوليتي» والمذاع عبر قناة «صدى البلد»: «مرة تانية الموضوع ما خلصش، ما خلصش النهارده، لأن كله اتصالات واتفاقات، هل فيه ورق اتمضى؟، لأ، فيه اتفاقية وقعت؟، لأ، فيه مفاوضات تمت؟، لأ، قد تعود المفاوضات، ولكن على أي أساس».
الطاقة النووية السلمية
وأضاف الإعلامي أحمد موسى: «إيران النهارده بتقول محدش هيمنعني من التخصيب أو البرنامج السلمي، طبعا البرنامج السلمي حق لإيران وحق لأي دولة أن يكون عندها برنامج سلمي للطاقة السلمية، الطاقة النووية السلمية، طبيعي ماحدش يقدر يمنع لا إيران ولا أي دولة، لأن دا وفقا لشروط وكالة الطاقة الذرية
واستكمل: «مش معني اللي حصل دا إن الأمور رجعت واستقرت وخلاص الأوضاع طبيعية، لا الأوضاع مش طبيعية، لأن هذا الموضوع مستمر، ما تم في 79، أي اللي يمنع تاني تحصل في 25 ولا 26 ولا 30، أي اللي يمنع، طب ما حصلت في 2011، دا جزء كان استكمال».
وأكد الإعلامي أحمد موسى: «مش معنى إن الحرب توقفت إن الأمور مستقرة، لأ، مش صحيح، مين اللي يضمن إن نتنياهو ما يضربش الصبح، رغم الأمريكان ووسائل الإعلام الأمريكية النهارده حصلت مكالمة بين ترامب ونتنياهو، والامريكان قالوا إن ترامب كان عنيفا وهو بيتكلم مع نتنياهو، ما تضربش وترجع الطيارات والمقاتلات وخلاص احنا اخدنا قرار فتلتزم بيه».
