كريم محسن يقتحم الموسم الصيفي.. طرح ثاني أغانيه تحت عنوان "راحت لياليه"
طرح المطرب كريم محسن مساء أمس أحدث أعماله الغنائية تحت عنوان راحت لياليه على جميع المنصات الموسيقية، وتعد الأغنية من كلمات الشاعر محمد شكري، ومن توزيع موسيقي عمر إمام، ومن ألحان كامل الجندي، ولم تمثل هذه الأغنية التعاون الأول بين كريم محسن والملحن كامل الجندي، بل تعاونوا سابقًا في أغنية أعملها ازاي الذي تم طرحها مؤخرًا.
كلمات أغنية راحت لياليه
أما عن كلمات أغنية راحت لياليه جاءت على النحو التالي: “راحت لياليه .. مابقتش بشغل بالي أنا بيه .. ازاي بعيش أو بعمل ايه مايخصهوش .. راحت لياليه مابقتش بسأل راحت ليه .. بالصدفة لما بفكر فيه مابحنلوش .. وخلاص وتمام كده خد كفايته معايا .. الجرح ده هو نفسه .. كفايه عليه كده .. عمري ضاع وياه .. اه كان مياه وهوا .. كان حياتي وبقا زي الهوا .. في حسابات اننا نرجع سوا شئ لازم ننساه .. موضوع خلصان لو يوم هعيده أنا الخسران .. ما سلمش قلبي في حبه زمان ولا كان شاريه .. موضوع خلصان .. وعلى اللي راح أنا مش زعلان .. ما عملش خير ويايا عشان ازعل عليه .. ما خلاص وتمام كده خد كفايته معايا الجرح ده .. هو نفسه كفايه عليه كده عمري ضاع وياه .. كان مياه وهوا كان حياتي وبقا زي الهوا .. في حسابات اننا نرجع سوا شئ لازم ننساه”.
كريم محسن محبط
أما عن المطرب كريم محسن فقد عبّر مؤخرًا عن شعوره بالإحباط من التحديات والصعوبات التي يواجهها في مشواره الفني، وذلك من خلال منشور شاركه عبر حسابه الرسمي على منصة “إنستجرام”. في رسالته، أوضح كريم أنه كان يعمل خلال الفترة الماضية بكل حب وإخلاص على عدد من الأغاني الجديدة، مشيرًا إلى تمسكه بالاستمرار في مسيرته الفنية رغم كل العقبات، حيث كتب: “الفترة اللي فاتت كنت شغال بكل حب على أغاني كتير جديدة، وإن شاء الله مستمر، وكنت وعدتكم إني مش هوقف شغل تاني بإذن الله”.
كما توجّه كريم برسالة شكر عميقة إلى جمهوره، معربًا عن امتنانه للدعم والتشجيع الذي يتلقاه منهم باستمرار، قائلاً: “بجد بشكر كل واحد فيكم على الدعم والتشجيع والكلام الحلو.. ادعولي ربنا يكرمني.. عشان شغلتي دي للأسف صعبة جدًا ومش سالكة”.
وفي ختام رسالته، عبّر الفنان كريم محسن عن تفاؤله وثقته بأن الله لن يخذله، مؤكدًا أن النجاح الحقيقي والرزق لا يأتيان إلا من عند الله، حيث اختتم منشوره قائلاً: “بس ربنا كبير، وإن شاء الله هيكرمني أكتر وأكتر، عشان النجاح والرزق من عنده بس”
