أقل من 24 ساعة .. كريم محسن ترند السعودية بعد أغنيته الاخيرة
عبر المطرب كريم محسن عن سعادته بعد حصوله على الترند رقم 1 في السعودية، بعد طرحه أغنيته الجديدة تحت عنوان “أعملها أزاي” مساء أمس على جميع المنصات الموسيقية، حيث نشر منشورًا عبر حسابه الرسمي على موقع تبادل الصور والفيديوهات إنستجرام، وعلق قائلًا: “ترند السعودية .. في أقل من ٢٤ ساعة .. الحمد لله”.
و قد طرح المطرب كريم محسن أغنية أعملها ازاي ضمن أغنيات ألبومه الجديد، و هي من كلمات أحمد العزب، و من توزيع عمر الإمام، و قد حققت الاغنية الكثير من المشاهدات منذ طرحها مساء أمس.
كلمات أغنية أعملها ازاي
و جاءت كلمات أغنية اعملها أزاي على النحو التالي: “ياللي عيشت بتوعدني بحاجات .. بس غيبت وسيبتلي ذكريات .. للنهاردة أنا باصص على اللي فات .. ولا شايف جاي .. كل يوم عيشناه يتعاد بمين .. محتاج لعلاج يشفي الحنين .. حسبة النسيان تاخد سنين .. وأعملها إزاي .. وياريت لو كنت ليك غالي .. وهامّك لسة إيه حالي .. تبطل بُعد دا أنا بعدك مليش .. بشوفني لوحدي من غيرك .. في دنيا مليانة بغيرك .. لكن آياً ما كان فيها ميلزمنيش .. كل يوم والتاني بقول أكيد .. الظروف شاغلاك وأخداك بعيد .. أصل ظني بخاف يطلع أكيد .. وتكون حبيت .. كان ما بينا ميسكتش الكلام .. والنهاردة مفيش بينا السلام .. لو بخير أنا فعلا مش تمام .. من يوم ما مشيت”.
كريم محسن مستاء من التحديات الموجهة له في المجال الفني
و قد أعرب الفنان كريم محسن عن استيائه الشديد من تحديات كثيرة تواجهه في المجال الفني، وذلك من خلال منشورًا عبر حسابه الرسمي على موقع تبادل الصور والفيديوهات إنستجرام، حيث قال :"الفترة اللي فاتت كنت شغال بكل حب على أغاني كتير جديدة .. إن شاء الله .. وأنا كنت وعدتكم إني مش هوقف شغل تاني بإذن الله .. وبجد بشكر كل واحد فيكم على الدعم والتشجيع والكلام الحلو .. ادعولي ربنا يكرمني عشان شغلتي دي للأسف صعبة جدًا ومش سالكة .. بس ربنا كبير وإن شاء الله هيكرمني أكتر وأكتر .. عشان النجاح والرزق من عنده بس”.
