الليلة.. كريم محسن يطرح أغنية جديدة على المنصات الموسيقية
أعلن المطرب كريم محسن عن طرح أغنية جديدة تحت عنوان راحت لياليه، ومن المقرر أن يتم طرحها الليلة في تمام السادسة مساءً على جميع المنصات الرقمية الموسيقية.
تفاصيل أغنية راحت لياليه
وتعد أغنية راحت لياليه من كلمات الشاعر محمد شكري، ومن توزيع موسيقي عمر إمام، ومن ألحان كامل الجندي، ولم تمثل هذه الأغنية التعاون الأول بين كريم محسن والملحن كامل الجندي، بل تعاونوا سابقًا في أغنية أعملها ازاي الذي تم طرحها مؤخرًا.
أغنية اعملها ازاي
وكانت آخر أعمال المطرب كريم محسن الغنائية أغنية أعملها ازاي الذي تم طرحها مؤخرًا ضمن أغنيات ألبومه الجديد، وهي من كلمات أحمد العزب، ومن توزيع عمر الإمام، ومن ألحان كامل الجندي.
أما عن كلمات أغنية اعملها ازاي، فجاءت على النحو الآتي: “ياللي عيشت بتوعدني بحاجات .. بس غيبت وسيبتلي ذكريات .. للنهاردة أنا باصص على اللي فات .. ولا شايف جاي .. كل يوم عيشناه يتعاد بمين .. محتاج لعلاج يشفي الحنين .. حسبة النسيان تاخد سنين .. وأعملها إزاي .. وياريت لو كنت ليك غالي .. وهامّك لسة إيه حالي .. تبطل بُعد دا أنا بعدك مليش .. بشوفني لوحدي من غيرك .. في دنيا مليانة بغيرك .. لكن آياً ما كان فيها ميلزمنيش .. كل يوم والتاني بقول أكيد .. الظروف شاغلاك وأخداك بعيد .. أصل ظني بخاف يطلع أكيد .. وتكون حبيت .. كان ما بينا ميسكتش الكلام .. والنهاردة مفيش بينا السلام .. لو بخير أنا فعلا مش تمام .. من يوم ما مشيت”.
كريم محسن يعبر عن استيائه من الوسط الفني
وقد عبّر الفنان كريم محسن مؤخرًا عن استيائه الشديد من التحديات والمعوقات التي يواجهها في مسيرته الفنية، وذلك من خلال منشور عبر حسابه الرسمي على موقع تبادل الصور والفيديوهات “إنستجرام”، حيث أوضح كريم في رسالته أنه كان يعمل خلال الفترة الماضية بكل حب واجتهاد على عدد من الأغاني الجديدة، مؤكدًا تمسّكه بالاستمرار وعدم التراجع، حيث قال: “الفترة اللي فاتت كنت شغال بكل حب على أغاني كتير جديدة، وإن شاء الله مستمر، وكنت وعدتكم إني مش هوقف شغل تاني بإذن الله”.
كما وجّه كريم رسالة شكر وامتنان لجمهوره، معبّرًا عن تقديره للدعم والتشجيع الذي يتلقاه منهم، قائلًا: “بجد بشكر كل واحد فيكم على الدعم والتشجيع والكلام الحلو .. ادعولي ربنا يكرمني .. عشان شغلتي دي للأسف صعبة جدًا ومش سالكة”.
وفي ختام حديثه، عبّر عن أمله في أن يمنّ الله عليه بمزيد من التوفيق والنجاح، مؤكدًا ثقته بأن الرزق والنجاح الحقيقي لا يأتيان إلا من الله، قائلاً: “بس ربنا كبير، وإن شاء الله هيكرمني أكتر وأكتر، عشان النجاح والرزق من عنده بس”
