البامية مش دايمًا تقليدية! جرّبيها بطريقة جديدة في عيد الأضحى
صباح الأكل اللي من القلب، البامية من الأكلات اللي لها جمهور كبير في كل بيت عربي،وفي عيد الأضحى خصوصًا في المواسم والجمعة الحلوة حوالين السفرة، و بالأخص في عيد الأضحى المبارك، لكنها كمان واحدة من الأكلات اللي بنعملها بنفس الطريقة من سنين كتير ولا بوجد اي ابتكار او تغيير فيها، بامية بالطماطم، ولحمة، ورز أبيض، طيب ليه ما نغيّرش؟
تعالي نجرب طريقة جديدة تخلي البامية مختلفة ولذيذة، وتفتح النفس من أول نظرة!.
مستوحى من موقع “Delish” للأكلات الحديثة ولمسات المطابخ العالمية:
الوصفة الجديدة: “بامية بالفرن بلمسة مكسيكية” – خفيفة، لذيذة، ومليانة نكهات
المكونات:
• نصف كيلو بامية صغيرة مغسولة ومقمعّة
• كوب ذرة صفراء (مسلوقة أو معلبة)
• حبة فلفل ألوان مقطعة مكعبات
• بصلة صغيرة مفرومة
• 2 فص ثوم مهروس
• نصف كوب صلصة طماطم
• ملعقة صغيرة كمون + رشة بابريكا + رشة شطة (اختياري)
• رشة ملح وفلفل أسود
• ملعقتين زيت زيتون
• جبن موتزاريلا أو شيدر (اختياري – للوجه)
طريقة التحضير:
1. في طاسة على النار، شوّحي البصل والثوم بزيت الزيتون حتى يصفرّ.
2. أضيفي البامية وقلّبيها لمدة 5 دقايق حتى تتغيّر لونها.
3. أضيفي الذرة والفلفل الملون، ثم البهارات والصلصة، وسيبي الخليط يغلي دقيقتين.
4. انقلي كل المكونات في صينية فرن، ورشي فوقها الجبن لو بتحبي.
5. ادخليها فرن ساخن على 200 درجة لمدة 15–20 دقيقة، أو حتى تسيح الجبنة وتتحمّر الأطراف.
نصائح التقديم:
• ممكن تقديمها مع خبز التورتيلا كوجبة مكسيكية خفيفة.
• أو مع رز بالشبت والليمون لو بتحبي الطابع الشرقي بلمسة متجددة.
• وممكن تكون وجبة نباتية لو استغنيتِ عن الجبن.
في الخاتم: البامية ممكن تلبس طعم جديد، في المطبخ مفيش حاجة “لازم تتعمل كده”، كل وصفة عندها فرصة تتغير، تكبر، وتدهشك!
جربي الوصفة دي في يوم بسيط، وسط أجواء هادية، وهتشوفي قد إيه التجديد في التفاصيل بيخلق بهجة مختلفة و حب للأكل اكثر لدي الأطفال و الكبار, وأهم شئ قدّميها بحب، لأن الطعم الحقيقي دايمًا بيبدأ من هنا وليس في الوجبة التي تقدم.
