مصطفى بكري للحكومة: «اوعوا تراهنوا على صبر الناس.. انتوا بتطفوا شعاع الأمان»
علق الإعلامي مصطفى بكري على مشروع قانون الإيجار القديم؛ قائلا: «والله العظيم ما اعرفش مين اللي كتب القانون دا ومين اللي حطنا في المأذق دا ومين اللي بيزايد على حكم المحكمة الدستورية العليا».
وأضاف الإعلامي مصطفى بكري خلال تقديم برنامج «حقائق وأسرار» والمذاع عبر قناة «صدى البلد»: «يا جماعة احنا كده بنتسبب في أزمة للملاك والمستأجرين، انتوا عاوزين البلد تروح فين؟، راعوا الوضع الاجتماعي والاقتصادي لمصر وراعوا للظروف اللي بتواجه البلد، راعوا إن فيه رئيس دولة شغال 24 ساعة ليحاول يوقف البلد على رجليها، كل اللي عملناه دا كأنكم بتدفعوا بيه للفوضى».
واستكمل: «ليه؟ ولمصلحة مين وحساب مين؟ مع احترامي وتقديري لكل جهد بيبذل، لكن الكلام دا لو ما كنتش عندي حس سياسي وبقرأ الخريطة جيدا أنا اكرر اللي حصل قبل كده».
وشدد الإعلامي مصطفى بكري: «اوعوا تراهنوا على صبر الناس، اوعوا تراهنوا على إن الناس ساكته، لأ، الناس ساكته علشان الرئيس مديها أمان، بس انتوا باللي بتعملوه دا بتطفوا شعاع الأمان».
وكشف الإعلامي مصطفى بكري، محاولة بعض الأطراف إثارة الفتن داخل المجتمع المصري على مدار الأيام الماضية.
وأكد بكري خلال برنامج «حقائق وأسرار» على قناة صدى البلد «هو في ايه، لا بجد في ايه.. ايه الحكاية بالظبط، مين اللي بيشعلل الدنيا في البلد، في وقت احنا في أشد الحاجة اننا نقف كتله واحدة خلف دولتنا وخلف رئيسنا».
متابعا: «ليه احنا سايبين الدنيا كده، وليه مطمنين قوي، قبل كده النظام اطمن قبل 25 يناير، ورغم كل الندوات والتحذير من المخلصين محدش سمع الكلام».
تغييرات لتهدئة ثورة 25 يناير
وواصل بكري: « لدرجة أن اللواء حسن عبد الحميد رئيس قطاع مباحث أمن الدولة كتب مذكرة من 12 صفحة حذر فيها من 25 يناير، وطالب بشوية تغييرات تهدي الشارع لكن لما اتسأل الرئيس مبارك عن المذكرة دي اثناء محكمته قال: إنه ميعرفش حاجة عنها، تصوروا لو الرئيس كان قرأ المذكرة دي من رئيس واحد من أهم الاجهزة الامنية المعلوماتية، أكيد كان حيراجع الموقف ويهدي مشاعر الناس»، مردفا «ولما قامت مظاهرات 25 يناير وبعض المسؤولين ومنهنم المشير طنطاوي، والسيد عمر سليمان رحمة الله عليهما وغيرهم نصحوا الرئيس مبارك بالاصلاح».
