والداها متوفيان وتعمل في التوصيل.. «بسمة»: ليس لدي رفاهية الاختيار

في لقطة إنسانية مميزة من برنامج باب الخلق الذي يقدمه الإعلامي محمود سعد، التقى بفتاة تدعى “بسمة عبيد”، تعمل في توصيل الطلبات باستخدام موتوسيكل، في مهنة غير تقليدية للفتيات، وقال محمود سعد: "أنا واقف مستني فتاة جميلة قادمة بموتوسيكل.. الحكاية بدأت حينما كتب على الفيسبوك عن فتاة تعمل في توصيل الطلبات، متسائلا: ليه بنت تركب موتوسيكل وتشتغل في هذا العمل الشاق؟، أكيد ليها حكاية».

والداي متوفيان وعندي أختين متجوزين

تقول بسمة: "أنا خريجة تجارة من جامعة القاهرة سنة 2020، وأنا من أسوان بس اتولدت واتربيت في القاهرة،والدي متوفي وكان يعمل سواق، ووالدتي أيضا متوفية من عام 2021، وأنا دلوقتي معتمدة على نفسي، وعندي أختين، الاتنين متجوزين».

وأضافت بسمة: «أنا حريصة جدا على الأمان، مستحيل أسوق من غير خوذة، وبستخدم جوانتي مخصوص فيه حماية عشان لو وقعت لا قدر الله إيدي ما تتأذيش، الموتوسيكل محتاج تركيز كبير، وأنا واخدة بالي من نفسي على قد ما أقدر».

وتابعت: بدأت اشتغل في 2007 بعد ما خلصت الثانوي، ورغم تعب الشغل لكن بحس إني واقفة على رجلي وبعتمد على نفسي، وده أهم حاجة عندي، قائلة: أنا اشتغلت في حجات كتير مطاعم ومحلات وكافيهات، وقتها كانت الأسعار معقولة والفلوس بتكفينا والإيجار كان قديم بندفع 100 جنيه في الشهر، لكن حاليا يمكن الدنيا صعة شوية.. الحمدلله».

وواصلت بسمة: "يعني أي دخل بدخله كان على طول بيروح على مصاريفي يا إما كورساتي ومصاريف الجامعة، يا إما احتياجات البيت.. عمري ما كان عندي رفاهية الاختيار إني أجيب حاجة نفسي فيها زي باقي البنات، لا أنا دايما بجيب الحاجة اللي محتاجاها بس، مش اللي عايزاها، فده خلاني أتعلم أرتب أولوياتي كويس، وأعتمد على نفسي من بدري، وأرضى باللي متاح قدامي لحد ما أقدر أوصل لحاجة أحسن."