ابعدوا العيال دي عشان ما أمدش إيدي".. إسماعيل الليثي مازحًا أثناء إحيائه لفرح

تواجد بالأمس يوم السبت الموافق 11 أكتوبر 2025 الفنان إسماعيل الليثي بمنطقة شبرا وذلك لإحياء فرح أحد أفراد فرقته ويدعى حلاوة، وتجمع جميع الحاضرين والأطفال حول الفنان إسماعيل وقاموا بالتفاعل مع أغانيه وخاصة أغنيته الشهيرة سألت كل المجروحين وكان الفرح تسوده أجواء البهجة والسعادة على الجميع.

وأشعل الليثي أجواء الفرح في وسط فرقته وكانت الأجواء مليئة بالحماس، و لكن إزداد عدد الأطفال المتجمعين حول الليثي أثناء غناؤه على المسرح مما أدى الى إنزعاجه وقال مازحا: ابعدوا العيال دي يا حلاوة عشان ما أمدش إيدي.

وفي سياق منفصل، نشرت الميكب آرتيست شيماء سعيد فيديو لها تعلن فيه عن انفصالها الرسمي من زوجها الفنان إسماعيل الليثي وأخذ بعض الإجراءات القانونية بعد الأزمة الأخيرة التي حدثت بينهما ووصلت إلي تعدي الأخير عليها بالضرب وسرقتها وخطف بناتها.

قصة انفصال شيماء سعيد

وقالت شيماء سعيد: “أنا مش حابة أتكلم في أي مواضيع.. أنا مرجعتش واحنا انفصلنا ولسه في إجراءات قانونية هاخدها.. وأنا رجعت شقتي أنا وعيالي ومحدش يقدر يطلعني من البيت”.

وأضافت شيماء سعيد: “أنا قعدة في بيتي مع عيالي ومش عايزة أي حد تاني في حياتي ومش عايزة رجالة في حياتي تاني خالص كده زي الفل والحمدلله رب العالمين واللي بيعملوا أعمال علشان نتخانق ونسيب بعض بقولكوا حسبي الله ونعم الوكيل فيكوا”.

علاقة شيماء سعيد ووالدة إسماعيل الليثي

وقالت شيماء سعيد خلال فيديو متداول لها عبر السوشيال ميديا، متحدثة عن إسماعيل الليثي: “عمري في حياتي ما شتمت أمه لفظ .. وكنت عمري ما برد على كلامها .. وكنت بقعد بالـ 6 شهور مابدخلهمش بيت .. لحد ما إسماعيل ياخدني وأروح أتأسفلها .. وكنت بروح أمد إيدي علشان أسلم عليها تروح باصة الناحية التانية .. واتحرج وأخد بعضي وأمشي”.

تفاصيل أزمة شيماء سعيد وإسماعيل الليثي

و سبق وكشفت شيماء سعيد، طليقة إسماعيل الليثي، عن تفاصيل أزمتها مع الليثي، لافتة إلى أنه حرمها من حقوقها.

وقالت شيماء سعيد في لايف لها عبر موقع تيك توك : “عايزة أعيش باحترام وأدب .. أنا واحدة بشتغل .. وكنت بروح البيت أشتغل .. أقسم بالله أنا عايزة أعيش أقل من الناس العادية”.

معمول لينا أعمال علشان تدمر لينا حياتنا

وأضافت: “إحنا معمول لينا أعمال علشان تدمر لينا حياتنا، ويمكن عيشي اتقطع معاه، ومش هدفي التريند خالص لأني موجوعة وجع الدنيا والآخرة، ومحدش حاسس أنا قد إيه شفت مواقف وقصص تقهر وتحزن”.