القصة الكاملة| شيماء زوجة إسماعيل الليثي: ضربني وخد فلوسي.. والفنان يرد
تصدر اسم المطرب الشعبي إسماعيل الليثي ترند مواقع التواصل الاجتماعي خلال الساعات القليلة الماضية، وذلك بسبب خلافة مع زوجته البلوجر شيماء، ومن خلال هذا الموضوع يرصد لكم موقع “نيوز رووم” القصة الكاملة للأزمة.
القصة الكاملة لأزمة إسماعيل الليثي مع زوجتة
وقالت “شيماء سعيد ” باكية في الفيديو، "إسماعيل الليثي ضربني، وخد دهبي وفلوسي ومفتاح عربيتي، وصحيت من النوم ملقتش بناتي.. أنا حياتي في خطر، ومش لاقية حد يساعدني، كل اللي بطلبه حقي وبناتي".
وأوضحت شيماء سعيد ، أن هذه ليست المرة الأولى التي تتعرض فيها للإهانة والاعتداء من زوجها، لكنها التزمت الصمت مرارًا حفاظًا على الاستقرار الأسري ، إلا أن الأمور خرجت عن السيطرة، وأصبح صمتها خطرًا على حياتها وحياة بناتها.
وطالبت شيماء سعيد الجهات المختصة بالتدخل العاجل لحمايتها واستعادة بناتها، مشيرة إلى أنها تمتلك أدلة تثبت صحة أقوالها، وأنها لا تسعى سوى للحصول على حقوقها بالقانون.
رد إسماعيل الليثي على زوجتة
وخرج المطرب إسماعيل الليثي في فيديو جديد ليرد على ادعائات زوجته شيماء قائلًا: “شيماء مش طلقتي وأحنا لم ننفصل وكل ما يتردد عن إنفصالي عنها غير صحيح”.
وتابع الليثي، "اللي حصل خناقة أسرية زي أي واحد اتخانق مع مراته وبينزل من البيت، صحيت من النوم، إحنا في العيد كل سنة وانتم طيبين، حصل مشكلة بسبب كلام بيني وبينها، زي أي حد مسك في مراته واتخانق مع مراته، وسيبتها ونزلت لا فيه ضرب ولا أي حاجة".
وواصل الليثي، "مصر كلها عارفة مين أبو رضا وإني شبعان وإني دايما في زيادة ليها، مقدرش أقول حاجة عليها لأنها أم رضا، هي مراتي وأنا مخدتش حاجة وكل حاجة معاها ولو أخدت أي حاجة اتحاسب"، موجها رسالة لمن يتدخل في حياته مع زوجته "ياريت كل واحد يخليه في نفسه، لا أنا وحش ولا عمركم سمعتم عني حاجة وحشة، ودي خناقة أسرية بين راجل ومراته محدش يتدخل بينا، آه هي نزلت الفيديو وانفعلت، بس عشان محدش يقعد يكتبلي ما هي اللي نزلت وقالت، بس أنتم عارفين إنها مراتي، كل واحد بيتخانق مع مراته".
واختتم الليثي، "ربنا يهدي الحال ويهدي حالها ويديها الخير كله ويجعلها أحسن مني دايما، ومفيش بيني وبينها أي حاجة ومخدتش منها حاجة ولا باخد حاجة من حد ومحدش ليه عندي جنيه، محدش يتدخل ويكتب أخبار كاذبة ويقول ضربها وسرقها وخد دهبها، أنت شفت، حد شافني، طول عمري في زيادة ليها، وربنا يجعلها دايما من المستورين، هي لسه مراتي وعلى ذمتي".
