«مبحبش الخيانة».. شيماء سعيد تكشف تفاصيل أزمتها مع زوجها إسماعيل الليثي
كشفت الميكب ارتيست شيماء سعيد زوجة الفنان إسماعيل الليثي عن تفاصيل أزمتها مع زوجها لافتة إلى أن زوجها حرمها من حقوقها.
وقالت شيماء سعيد في لايف لها عبر موقع تيك توك: عايزة أعيش باحترام وأدب أنا واحدة بش، وكنت بروح البيت أشتغل، أقسم بالله أنا عايزة أعيش أقل من الناس العادية.
وأضافت : أقسم بالله كنت بقعد بالـ 3 سنين مش بكشف عند دكتور، وأنا سيدة مبحبش الخيانة بكل أنواعها أنا ست بـ 100 ست، وواحدة ليا حقوقي وليا وقت إني أصيف وأخرج مع جوزي وعيالي كل دا محرومة منه، ولا بيخرجني ولا بيعلمي حاجة.
وكانت نشرت الميكب آرتيست شيماء سعيد فيديو لها تعلن فيه عن انفصالها الرسمي من زوجها الفنان إسماعيل الليثي وأخذ بعض الإجراءات القانونية بعد الأزمة الأخيرة التي حدثت بينهما ووصلت إلي تعدي الأخير عليها بالضرب وسرقتها وخطف بناتها.
قصة انفصال شيماء سعيد
وفالت شيماء سعيد: “أنا مش حابة أتكلم في أي مواضيع.. أنا مرجعتش واحنا انفصلنا ولسه في إجراءات قانونية هاخدها.. وأنا رجعت شقتي أنا وعيالي ومحدش يقدر يطلعني من البيت”.
وأضافت شيماء سعيد: “أنا قعدة في بيتي مع عيالي ومش عايزة أي حد تاني في حياتي ومش عايزة رجالة في حياتي تاني خالص كده زي الفل والحمدلله رب العالمين واللي بيعملوا أعمال علشان نتخانق ونسيب بعض بقولكوا حسبي الله ونعم الوكيل فيكوا”.
وفي نفس السياق خرجت البلوجر والميكب آرتيست شيماء سعيد عن صمتها وكشفت تفاصيل الفيديو الصادم الذي نشرته أول أيام العيد، وظهرت فيه منهارة من البكاء واتهمت زوجها المطرب الشعبي إسماعيل الليثي بالاعتداء الجسدي عليها وسرقتها وخطف بناتها.
وكشف شيماء سعيد سبب حذفها للفيديو بعد فترة قصيرة من نشره، قائلة: “معلش أني اتأخرت في الرد، كنت تعبانة، ومرحتش السنتر لحد النهارده، والناس اللي عاوزة تفهم سبب المشكلة، وليه حذفت الفيديو، أنا حذفته لأن والدي حلف عليا أنه ميعرفنيش طول العمر لو محذفتوش، وأنا طول عمري بكبر بأهلي وناسي، ومطيعة ومش بعمل حاجة غير أني بشتغل”.
