شيماء سعيد تهاجم إسماعيل الليثي: «ربنا ما يريحك لا دنيا ولا آخرة»
خرجت الميك أب أرتيست شيماء سعيد، طليقة المطرب الشعبي إسماعيل الليثي، للهجوم مجددًا على إسماعيل، حيث روت تفاصيل في علاقتها مع والدته، وتمنت له عدم الراحة في حياته.
علاقة شيماء سعيد ووالدة إسماعيل الليثي
وقالت شيماء خلال فيديو متداول لها عبر السوشيال ميديا، متحدثة عن إسماعيل الليثي: “عمري في حياتي ما شتمت أمه لفظ .. وكنت عمري ما برد على كلامها .. وكنت بقعد بالـ 6 شهور مابدخلهمش بيت .. لحد ما إسماعيل ياخدني وأروح أتأسفلها .. وكنت بروح أمد إيدي علشان أسلم عليها تروح باصة الناحية التانية .. واتحرج وأخد بعضي وأمشي”.
مش مسامحاك لحد يوم الدين
وتابعت : “يكش عني ما رجعتله .. وأنا دلوقتي مية فل وعشرة ومعايا بنتين ربنا يخليهم ليا ولأبوهم علشان ده في النهاية أبوهم .. بس بإذنك يارب عمرك في حياتك ما هترتاح .. وأنا مش مسامحاك لحد يوم الدين ولا انتا ولا اللي فرقك عني”.
ربنا ما يريحك لا دنيا ولا آخرة
وتابعت طليقة إسماعيل الليثي، قائلة عنه : “يارب مكان ما تروح ما تلاقي راحة .. وقلبك يولع زي مانتا ولعتلي قلبي .. ويارب تفضل عايش دول عمرك من غير عيل والناس بتتمنى ضفر عيل .. ربنا ما يريحك لا دنيا ولا آخرة".
تفاصيل أزمة شيماء سعيد وإسماعيل الليثي
وسبق وكشفت شيماء سعيد، طليقة إسماعيل الليثي، عن تفاصيل أزمتها مع الليثي، لافتة إلى أنه حرمها من حقوقها.
وقالت شيماء سعيد في لايف لها عبر موقع تيك توك : “عايزة أعيش باحترام وأدب .. أنا واحدة بشتغل .. وكنت بروح البيت أشتغل .. أقسم بالله أنا عايزة أعيش أقل من الناس العادية”.
أنا ست مبحبش الخيانة
وأكملت : “أقسم بالله كنت بقعد بالـ 3 سنين مش بكشف عند دكتور .. وأنا ست مبحبش الخيانة بكل أنواعها أنا ست بـ 100 ست .. وواحدة ليا حقوقي .. وليا وقت إني أصيف وأخرج مع جوزي وعيالي .. كل ده محرومة منه .. ولا بيخرجني ولا بيعلمي حاجة”.
انفصال شيماء سعيد وإسماعيل الليثي
وكانت قد نشرت الميك أب أرتيست شيماء سعيد قبلها، فيديو لها تعلن فيه عن انفصالها الرسمي عن الفنان إسماعيل الليثي، وأخذ بعض الإجراءات القانونية بعد الأزمة الأخيرة التي حدثت بينهما ووصلت إلي تعدي الأخير عليها بالضرب وسرقتها وخطف بناتها.
