بعد أزمتها الصحية الأخيرة.. إيناس عز الدين تشعل مراسي بـ "كفاياك تعبت"
أحييت المطربة إيناس عز الدين مساء أمس أولى حفلات مهرجان مراسي، وذلك بعدما مرت بأزمة صحية خطيرة خلال الفترة الماضية، بسبب تعرضها إلي خطأ طبي أدى إلي القيام بعملية جراحية في العين.
إيناس عز الدين تشعل حفل مراسي بـ “كفاياك تعبت”
وقد نشرت المطربة إيناس عز الدين مقطع فيديو من خلال الحفل، وذلك عبر حسابها الرسمي على موقع التواصل الإجتماعي فيسبوك، وهي تغني أحدث أعمالها الغنائية التي تحمل عنوان “كفاياك تعبت”، وقد أشعلت الحفل بهذه الأغنية، وسط تفاعل كبير من الجمهور.
كلمات أغنية كفاياك تعبت
وتأتي كلمات أغنية كفاياك تعبت على النحو التالي: "“كفاياك تعبت معاك .. شبعت حجج ومبررات .. ده لحد أمتى عايزني اقدم لك ف تنازلات .. مابقاش فيه حاجة بتتعمل وياك مابعملهاش .. كل اللي هامك ترضي نفسك .. مهما ليك اتقال الحب عمره ما كان كده بالشكل ده استغلال .. ومدام نهايته هنفترق انا تاني ماستناش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك .. اكتر من اللي معاك عملته اعمل معاك تاني ايه ولا انت حد مسلطك علي قلبي ..ف بتإذيه ضاع عمري جنبك واتسرق .. ابعد وسيبني اعيش .. من كتر جرحك واللي شوفته لقيتني فجأه قويت .. بقي سهل ابعد واخسرك من قلبي .. انا استغنيت حبك ده كارت واهو اتحرق انت ماحبتنيش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك”.
أزمة إيناس عز الدين الصحية
أعلنت المطربة إيناس عز الدين عن تعرضها إلي أزمة صحية خطيرة نتيجة خطأ طبي، بعد إصابتها بقطع في ملتحمة العين، ما أدى إلى تدهور حالتها بشكل سريع، وسط مخاوف من خضوعها لجراحة.
وفي منشور لها عبر حسابها الرسمي على موقع التواصل الإجتماعي "فيسبوك"، أوضحت إيناس عز الدين أن السبب وراء تدهور حالتها هو صرف دواء يحتوي على مادة الكورتيزون دون إعلامها بذلك، رغم أنها تعاني من حساسية نادرة تجاه الكورتيزون.
وقالت في منشورها: "هل ينفع طبيب يكتب روشتة كلها كورتيزون من غير ما يبلغ المريض؟ أنا رحت المستشفى يوم السبت وكان في قطع في الملتحمة طوله 1.5 مل، النهاردة القطع كبر وبقى أكتر من 3.5 مل، وده بسبب قطرة ومرهم مكتوبينلي من غير ما أعرف إن فيهم كورتيزون".
وأضافت: "أنا من الحالات النادرة اللي عندها حساسية شديدة ضد الكورتيزون، والنتيجة إني احتمال أعمل عملية وأشيل جزء من الملتحمة اللي انتفخ واتضرر، ومش شايفة بيها كويس، غير إن الألم فظيع، وحالتي بتسوء، ومستنية رأي الدكتور الاستشاري بكرة الصبح".
واختتمت إيناس حديثها منتقدة الإهمال في إبلاغ المرضى بمكونات الأدوية قائلة: "أنا لما بروح لدكتور جلدية وبيكتبلي كريم، أول حاجة بيقولي إن فيه كورتيزون قبل ما يكتبه، فإزاي في حاجة تخص العين يحصل فيها كده؟!".
