كفاياك تعبت.. إيناس عز الدين تطرح أحدث أعمالها الغنائية
طرحت المطربة إيناس عز الدين ، أحدث أعمالها الغنائية تحت عنوان “كفاياك تعبت” على موقع الفيديوهات يوتيوب، حيث نشر مقطع من الأغنية عبر حسابها الرسمي على موقع التواصل الإجتماعي فيسبوك.
وقالت عزالدين، تقدروا تشوفوا كفاياك تعبت .. كلمات : محب غبور .. ألحان : عمر عادل .. توزيع : محمد ياسر .. إخراج : جميل جميل المغازي .. إنتاج : لايف ستايلز".
كلمات أغنية كفاياك تعبت
وجاءت كلمات أغنية كفاياك تعبت على النحو التالي: “كفاياك تعبت معاك .. شبعت حجج ومبررات .. ده لحد أمتى عايزني اقدم لك ف تنازلات .. مابقاش فيه حاجة بتتعمل وياك مابعملهاش .. كل اللي هامك ترضي نفسك .. مهما ليك اتقال الحب عمره ما كان كده بالشكل ده استغلال .. ومدام نهايته هنفترق انا تاني ماستناش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك .. اكتر من اللي معاك عملته اعمل معاك تاني ايه ولا انت حد مسلطك علي قلبي ..ف بتإذيه ضاع عمري جنبك واتسرق .. ابعد وسيبني اعيش .. من كتر جرحك واللي شوفته لقيتني فجأه قويت .. بقي سهل ابعد واخسرك من قلبي .. انا استغنيت حبك ده كارت واهو اتحرق انت ماحبتنيش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك”.
إصابة إيناس عز الدين الأخيرة
في سياق منفصل أعلنت المطربة إيناس عز الدين، عن تعرضها مؤخرًا لإصابة مؤلمة في العين، وقالت: "الحمد لله كثيرًا.. حصل قطع في ملتحمة العين.. العيب فيا أنا.. عارفة، فقرية.. أنا عايزة أعيط."
