إيناس عز الدين تحتفل بوصول أحدث أغانيها إلي ربع مليون مشاهدة
احتفلت المطربة إيناس عز الدين بوصول أحدث أعمالها الغنائية تحت عنوان “كفاياك تعبت” إلي ربع مليون مشاهدة في أقل من 48 ساعة، حيث نشرت منشورًا عبر حسابها الرسمي على موقع التواصل الإجتماعي فيسبوك، وقالت: “كفاياك تعبت .. أول ربع مليون مشاهدة على اليوتيوب في يوم واحد .. اللهم لك الحمد و الفضل و الشكر .. وشكراً ليكم و لدعمكم ..و مستنية منكم دعم أكبر .. و شير للفيديو أكتر .. لو شايفين الأغنية حلوة و تستاهل”.
إيناس عز الدين تطلب الدعاء من الجمهور
وطلبت المطربة إيناس عز الدين من متابعيها وجمهورها الدعاء لها لأنها سوف تجري عملية جراحية قريبًا بسبب أزمتها الصحية الأخيرة، حيث قالت: “و دعواتكم .. لأني هدخل عمليات بسبب عيني”.
كلمات أغنية كفاياك تعبت
وجاءت كلمات أغنية كفاياك تعبت على النحو الآتي: “كفاياك تعبت معاك .. شبعت حجج ومبررات .. ده لحد أمتى عايزني اقدم لك ف تنازلات .. مابقاش فيه حاجة بتتعمل وياك مابعملهاش .. كل اللي هامك ترضي نفسك .. مهما ليك اتقال الحب عمره ما كان كده بالشكل ده استغلال .. ومدام نهايته هنفترق انا تاني ماستناش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك .. اكتر من اللي معاك عملته اعمل معاك تاني ايه ولا انت حد مسلطك علي قلبي ..ف بتإذيه ضاع عمري جنبك واتسرق .. ابعد وسيبني اعيش .. من كتر جرحك واللي شوفته لقيتني فجأه قويت .. بقي سهل ابعد واخسرك من قلبي .. انا استغنيت حبك ده كارت واهو اتحرق انت ماحبتنيش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك”.
الحالة الصحية للمطربة إيناس عز الدين
وقد أعلنت المطربة إيناس عز الدين عن إستياءها البالغ من خطأ طبي أدى إلي تدهور حالتها الصحية، حيث نشرت منشورًا مساء أمس عبر حسابها الرسمي على موقع التواصل الإجتماعي فيسبوك، وعلقت قائلة: “هل ينفع طبيب يكتب روشتة علاج كله كورتيزون .. بدون إعلام المريض .. إنه هياخد دواء فيه كورتيزون ؟ .. أنا رايحة المستشفى يوم السبت .. عيني فيها قطع في الملتحمة بمقدار ١.٥ مل .. النهاردة تخطى ٣.٥ مل .. والتهاب شديد وحساسية بسبب إني كان مكتوبلي قطرة ومرهم .. الإتنين كورتيزون وأنا ما إتقاليش إنهم كورتيزون .. وأنا من الحالات النادرة اللي عندها حساسية ضد الكورتيزون .. النتيجة إني احتمال أعمل عملية و أشيل جزء من الملتحمة .. تضرر وإنتفخ وأخيط .. وللأسف مش شايفة بيها كويس طبعًا .. غير ألم رهيب وعيني بتزداد سوء .. ومستنية قرار الدكتور الإستشاري بكره الصبح .. ده انا لما بروح لدكتور جلدية .. و بيكتب على كريم قبل ما يكتبه بيقولي إنه فيه كورتيزون”.
