بعد كفاياك تعبت .. إيناس عز الدين تطمئن الجمهور على صحتها /خاص
طرحت المطربة إيناس عز الدين أحدث أعمالها الغنائية تحت عنوان كفاياك تعبت، جاءت تلك الأغنية بعد مرور المطربة إيناس عز الدين بأزمة صحية، حيث تعرضت مؤخرًا لإصابة مؤلمة في العين، وبعد طرح الأغنية تواصل موقع نيوز رووم مع المطربة إيناس عز الدين ليطمئن عن حالتها الصحية.
الحالة الصحية للمطربة إيناس عز الدين
وكشفت المطربة إيناس عز الدين في تصريحات خاصة لـ موقع نيوز رووم عن تطورات حالتها الصحية، حيث قالت: “الحمدلله .. بقيت أحسن بكتير .. فرحت بتفاعل الجمهور ودعواتهم ليا”.
كواليس أغنية كفاياك تعبت
أما عن كواليس أغنية كفاياك تعبت، فقالت إيناس عز الدين في تصريحاتها: “حاولت في الأغنية أبرز حالة العذاب والتعب التي قد يتعرض لها البعض نتيجة العلاقات السامة .. الأغنية درامية أكتر .. في الفيديو كليب كان في حالة انكسار في الجو العام للأغنية .. كفاياك تعبت هي من أكتر الأغاني قرب ليا”.
وتعد أغنية "كفاياك تعبت" من كلمات محب غبور، والحان عمر عادل، وتوزيع محمد ياسر، وانتاج لايف ستايلز ستوديوز.
كلمات اغنية كفاياك تعبت
وجاءت كلمات أغنية كفاياك تعبت هكذا: “كفاياك تعبت معاك .. شبعت حجج ومبررات .. ده لحد أمتى عايزني اقدم لك ف تنازلات .. مابقاش فيه حاجة بتتعمل وياك مابعملهاش .. كل اللي هامك ترضي نفسك .. مهما ليك اتقال الحب عمره ما كان كده بالشكل ده استغلال .. ومدام نهايته هنفترق انا تاني ماستناش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك .. اكتر من اللي معاك عملته اعمل معاك تاني ايه ولا انت حد مسلطك علي قلبي ..ف بتإذيه ضاع عمري جنبك واتسرق .. ابعد وسيبني اعيش .. من كتر جرحك واللي شوفته لقيتني فجأه قويت .. بقي سهل ابعد واخسرك من قلبي .. انا استغنيت حبك ده كارت واهو اتحرق انت ماحبتنيش .. بالنسبالي مابقاش فيه حاجه بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب انا تاني اتعشم انك تتغير وف وهم .. اعيش اتعذب ليه وانا بستني ف حاجه مابتجيش .. ده مفيش ولا حاجه هتجبرني اكمل جنبك”.
