عمرو أديب: «علاقة أمريكا بإسرائيل عشق قيس لليلى» | فيديو
علق الإعلامي عمرو أديب على دفاع الدول الغربية على دولة الاحتلال الإسرائيلي؛ قائلا: «اتحدى إن فيه دولة في العالم بيتم الدفاع عنها من كل دول العالم زي ما بيتم الدفاع عن إسرائيل، أنهما هات أي جنسية غربية مش كلهم، تقوله اسرائيل يقولك اسرائيل؟».
وأضاف الإعلامي عمرو أديب خلال تقديم ببرنامج «الحكاية» والمذاع عبر قناة «mbc مصر»: «لما تيجي تقول لحد إن إسرائيل اللي بدأت الحرب يقولك إيران هي اللي بدأت، ننوسة نين العالم اسرائيل، إنما حقيقة الأمر أنهم يعشقون اسرائيل، وامريكا عشقها لإسرائيل عشق قيس لـ ليلى، أما الشرق اللي احنا منه يعني، طب نتعاون معاكم في حاجة، طب بتبيعوا حاجة».
وشدد الإعلامي عمرو أديب على أن: «العالم لن يوقف هذه الحرب إلا إذا اضرت بمصالحه، غير كده هيسيبوا اسرائيل تستكمل درجن درجن، لكن لما تلاقي فيه تأثير على المصالح هتلاقي الكل بيتدخل».
الحرب الإيرانية - الإسرائيلية
وقال الإعلامي عمرو أديب إن الحرب الإيرانية - الإسرائيلية بها قواعد جديدة؛ موضحا: «حرب فيها قواعد جديدة، و النهاردة شوفنا أهم أو أقوى فيديو من أول الحرب ما بدأت، فيديو قصف مبني الأخبار، انا حطيت نفسي مكانها، موقف كان غريب وعلى الهواء انك تشوف حد بيتقصف».
موقف ضرب التليفزيون الإيراني
وأكد الإعلامي عمرو أديب: «موقف مش صعب، موقف واحد في المليون انك تبقى شغال على الهواء وينزل عليك صاروخ، الغريب إن المراسل اللي المذيعة كانت بتكلمه في الشارع توفى، وهي اللي كانت بتنضرب مكتوب ليها عمر».
استيعاب الأمر سياسيا وعسكريا
وأوضح الإعلامي عمرو أديب: «كل المؤشرات بتقول أنه يجب لمصلحة الجميع استيعاب هذا الأمر سياسيا وعسكريا، انا مش مع مدرسة إن العالم على شفا ولا شفا ولا حاجة، وبالمناسبة العالم الغربي يعشق اسرائيل، ظالمة أو مظلومة، بيعشقها عشق، والحقيقة اللي أمر إن العالم الغربي لا يحب العالم الشرقي، ما بيحبوناش أوي، احنا بالنسبة لهم العرب المسلمين، لكن إسرائيل بالنسبالهم جوائز نوبل والتقدم والتكنولوجيا».
الحرب الإيرانية الإسرائيلية
علق الإعلامي عمرو أديب على الحرب الإيرانية الإسرائيلية؛ قائلا: «سؤال اليوم وغدا وبعد غد، هل إيران عندها حجم الذخيرة للاستمرار؟، شوفنا حجم مزعج لإسرائيل خلال الفترة اللي فاتت، لكن الإيرانيين عندهم كام مسيرة، يقدروا يكملوا لحد فين؟».
