عمرو أديب يثير الجدل بتغريدة «الزمالك بطل الكاس غصب عن عين اعيل ناس»
أثار الإعلامي عمرو أديب ، الجدل بتغريدة نشرها عبر حسابه الرسمي بمنصة " إكس " رد من خلالها على المشككين في فوز الزمالك بكأس مصر أمام نادي بيراميدز .
وكتب عمرو أديب :" هو مش عيب اما ناس محترمه متعلمين يلقحوا على ماتش الزمالك، يعنى لعيبه بيراميدز كانوا متدربين على تنشين الكوره فى العارضه ، واكرامى كان معاه كشف بالزوايا اللى الزمالك حيشوط فيها.
وتابع " يا اخى احنا متكلمناش عن التلت نقط ولا عالى لوقت البدل البدل الضايع ، ولا عن الفار اللى بيبوظ ولا عن الكون اللى شغال لننوس عين الرياضه المصريه، قلنا مبروك وكملنا وربنا كرمنا من عنده مش من عند الاسامى اللى انتوا عارفينها ،ولا قولنا ان الباشا اللى هرب كان صدفه ولا التاشيره كانت للدراسه والترفيه .
واختتم ، ولا ذكرتلك انك واخد الدوري بلعيبه الزمالك الاصيل كل ده بنقول حاجه واحده ،حسبنا الله ونعم الوكيل، بجد عيب قوي هى النخوه والجدعنه راحت فين ، الزمالك بطل الكاس غصب عن عين اعيل ناس (بعضهم) .
الزمالك نادي البطولات لا يُقهر ولا ينهار
يذكر أن الإعلامي عمرو أديب هنا فريقه المفضل “الزمالك” بعد حصده اليوم لقب بطل كأس مصر على حساب نادي بيراميدز، مؤكدًا أن الظروف التي مر بها النادي مؤخرًا كانت صعبة للغاية.
وقال الإعلامي عمرو أديب من خلال حسابه عبر منصة “أكس”،“مش عارف امسك نفسى ، بس يا جماعه الزمالك خارج من المستحيل خارج من الضياع قدام فريق بطل فريق قوي ولكن هو الزمالك لا يموت ولا ينهار هو فى الدم هو فى الجينات نادي بطولات ، وفى مباراة مشكلة متعبة قلب مفتوح يحرز الزمالك الكأس ضد كل المصايب والكوارث والظلم والظلمات” .
وأشاد عمرو أديب بأداء كابتن فريق الزمالك “شيكابالا” ، وقال “إيه الاعصاب دي يا شيكا انا مت وانت داخل هادى واثق عبقري تاريخى اسطوري ، مبروك للريادى الريادة ومبروك لرجالة الزمالك والله ما فى حد كان يعرف يرجع زيكم علشان نفرح ونصوت والعيد يبقى عيدين ، مفيش زي الزمالك مفيش غير الزمالك مبحبش غير الزمالك ”.
هذا وقد حسم لقب الزمالك، لقب كأس مصر بالركلات الترجيحية والفوزعلى بيراميدز 8-7 في مواجهة ماراثونية.
وانتهت مباراة الزمالك وبيراميدز بالتعادل الإيجابي 1-1 بعد اللجوء للعب شوطين إضافيين ، ولجوء الفريقين لركلات الجزاء الترجيحية لحسم بطل كأس مصر .
