عمرو أديب: «التجار لن يستغلو الحرب.. ومصر شعبها متجانس»
علق الإعلامي عمرو أديب على تأثير الحرب الإسرائيلية الإيرانية على الاقتصاد والأسعار؛ قائلا: «لازم أن نعلم أنه كلما زاد هذا الأمر كلما كان هناك مشكلة في الاقتصاد، مصر آمنة وعظيمة، مصر أعظم من يلعب الأوراق في المنطقة، وشعبها متجانس ويقف جنب بعضه، مصر تجارها لن يستغلوا الحرب، مصر تجارها أشرف تجار واحلا من الشرف مافيش، ولن يجرؤ تاجر رفع الأسعار في الأيام المقبلة، لأن الدولة يدايها ثقيلة».
حجم الدمار في طهران وتل أبيب
وقال الإعلامي عمرو أديب: «الناس اللي بتقول طبعا الدمار اللي في طهران مش زي اللي في تل أبيب، نعم، لكن طهران في تاريخها مهيئة لهذا الأمر، لكن تل أبيب لا تتحمل هذا الأمر، شوفنا رجالة بتجري بالملابس الداخليه في تل أبيب».
وأضاف «أديب» خلال تقديم برنامج «الحكاية» والمذاع عبر قناة «mbc مصر»: «تتفق أو تختلف مع الإيراني هو شعب له وطن وتاريخ، تتفق معه أو تختلف، إنما دول سلطة، وبقينا نسمع حاجات ما كناش نسمع بيها من قبل».
مشاهد الدمار بين تل أبيب وغزة
وأوضح: «اتحدى أي حد بقا يعرف يفرق بين مشاهد الدمار بين تل أبيب وغزة، عارف فيه ناس بتقول هو مات كام؟، يا جماعه لما يموت 10 من إسرائيل دي بتعمل لها مناحة، احنا اتعودنا على قول مات شهيدا».
تحالف دولي للدفاع عن إسرائيل
وقال الإعلامي عمرو أديب: «لو كنت قولتلي إن إيران هترد مش هصدق، لو كنت تقولي إن إسرائيل هتطالب بتحالف دولي يدافع عنها ما كنتش هصدق، ولذلك أي حاجة ممكن تحصل».
قلاقل على الحدود الإيرانية
مضيفا: «هي الحاجات دي هتخلص قريب؟، وارد، هي الحاجات دي هتفضل كتير؟، وارد، فجأة ممكن نلاقي قلاقل على الحدود الإيرانية وفجأة ممكن الإيرانيين يتحالفوا، اتحدى أي حد عنده رد على الأسئلة دي».
المنطقة تأثرت وستتأثر من الحرب
واستكمل: «اكيد التأثير على الأقل هذه المنطقة تأثرت وستتأثر، ووارد جدا أن هناك تأثير على مصر وهتفضل طول الحرب دي ما هي دايرة، النهاردة أي قراءة للسوق المصرية أو الاقتصاد المصري أو الأسواق تبدأ تفهم إن الناس بدأت تتأثر، والأيام الجاية طول ما التأثير موجود».
