عمرو أديب يثير الجدل برسالة غامضة: في ناس مالهمش 30 لازمة
أثار الإعلامي عمرو أديب حالة من الجدل على مواقع التواصل الاجتماعي بعد نشره رسالة غامضة عبر حسابه الشخصي على موقع "إكس" (تويتر سابقًا)، حيث تحدث عن ثلاثة أنواع من البشر، مما دفع المتابعين إلى التساؤل حول المقصود بهذه الرسالة.
وكتب أديب في رسالته: "فى ٣ انواع من البشر، نوع مهم ونوع عادى ونوع مالوش ٣٠ لازمة. تفتكر انت تنتمى لانهى نوع، وتفتكر فى كام واحد بيحاول ينط من تصنيف علشان يدخل التانى؟". وأضاف في تغريدة أخرى: "على فكره اللى مبوظ الحياه كلها النوع التالت خصوصا اما يحاول يقنعك انه له اي لازمه او ان وجوده مهم واساسي، طبعا الكلام ده مش حيزعل حد غيرهم لانهم اصبحوا كتله كبيره بتسند بعضها، اومال ماهو اللى مالوش لازمه لازم يساند اخوه التانى اللى مالوش لازمه خالص".
وتابع أديب في رسالته: "واختبار الحاله سهل لو اختفى المهم حتحس ولو اختفى العادي حتفكر بس، اختفاء اللى مالوش لازمه مالوش اي رد فعل، فهو صفر كبير".
من ناحية أخرى، قال الإعلامي عمرو أديب: «الاسرائيليين كانوا مستعدين يدفعوا 9 مليون دولار في جثة إيلي كوهين، واليوم يعرض الإسرائيلي أنه حصل على المستندات الخاصة بالجاسوس الخاص بهم».
وأضاف "أديب" خلال تقديم برنامج “الحكاية” والمذاع عبر قناة “ام بي سي مصر”: «60 سنة مش بيسيبوا حد، زي ما هما قاعدين دلوقتي في غزة بيتفاوضوا على جثث اللي ماتوا، والجثث بالنسبالهم أساسية لا يمكن التفريط فيها».
وأوضح الإعلامي عمرو أديب: «اليوم اللي تم إعدام إيلي كوهين فيه كان يوم عظيم، والنهاردة والاسبوع اللي فاتت على كمية الجواسيس اللي كانوا موجودين في لبنان وأدوا إلى اغتيال العديد من قيادات حزب الله».
مالا تعرفه عن كوهين
وقال الإعلامي عمرو أديب: «ايلي كوهين، أول معلومة لازم تعرفها إنه يهودي اتولد في الاسكندريه سنة 24، وهو قاعد في مصر مهتم بالدولة الجديدة بالقرب منهم في فلسطين، وكان بعد ما بقى شاب كان منضم لعدد من التنظيمات اليهودية في أرض مصر».
