أنغام: «عندي رجالة في حياتي غير أولادي.. وفيه أصدقاء بتعكز عليهم» | فيديو
قالت الفنانة أنغام إن هناك تضحية لابد أن تحدث، وفي الوقت ذاته قناعة أن الإنسان لا يحصل على كل شيء في الدنيا لابد أن توضع في بداية الحديث ويتم البناء عليها الأولويات.
أولويات أنغام
وأضافت: «في عالم أنغام الأولويات لم تعد الرجل خالص، فيه رجالة في حياتي غير ولادي، فيه أصدقاء في حياتي بتعكز عليهم وأكلمهم وأسألهم واستعين بيهم، مش ضروري يكون جوزي، أبدا، بالعكس دا بيبقى أخ اكتر من الأخ، وأب أكتر من الأب، وحبيب اكتر من الحبيب، وهو ولا هو أخوكي ولا ابوكي ولا أي حاجة».
لا يوجد شخص لديه كل شئ
وقالت الفنانة أنغام إنه لا يوجد شخص يحصل على كل شيء، كما أن هذا الأمر لم يحدث، موضحة: «الست القوية المستقلة الناجحة المشهورة اللي مش محتاجة حاجه من حد دي امرأة لا تجد رجل أو إن الرجل ما يحتجلهاش ودا كلام واقعي، حتى لو هو قاسي أو مش احلى حاجة، لكن دي الحقيقة».
وأضافت الفنانة أنغام: «مافيش أي مشكلة، لأن مافيش حد بياخد كل حاجه أبدا، ما حصلتش وما شوفنهاش دي».
وردّت الفنانة أنغام على سؤال وجهته الإعلامية لميس الحديدي، «حسه إن مافيش حد يستاهلك ولا انتي اللي كنتي بتختاري غلط؟»، لتُجيب أنغام: «فكرة الاختيارات الغلط واردة في كل الناس لأن احنا مش مولودين معانا واصفة، يعني كلنا بنجرب، كل الناس بتجرب، وممكن يبقى أقرب الناس ليكي وأكتر حد بتحبيه وأكتر حد مأمناله يطلع حد تاني خالص انتي ما تعرفهوش خالص».
واستكملت الفنانة أنغام: «انا بعذر الناس كلها في الحاجات دي وبعذر نفسي معاهم، لأن احنا في الآخر إنسان، إحنا إنسان بيجرب في الحياة».
استضافة لميس الحديدي الفنانة أنغام
وحلّت الفنانة أنغام ضيفة بحلقة برنامج «كلمة أخيرة» والمذاع عبر قناة «On»، تقديم الإعلامية لميس الحديدي، وتحدثت «أنغام» عن قصة حبها؛ قائلة: «عمري ما قفلت قلبي لكن عندي أولويات، أو بقت عندي متعة في الحياة قادرة افهم قيمتها اكتر بكتير من أي حاجة تانية أو أي حد».
