أنغام: «فيه بعض الشخصيات في الحياة ليها حدود لازم تفضل وراها»
قالت الفنانة أنغام، إن هناك العديد من الشخصيات في الحياة لها حدود، لازم تفضل ورا حدودها ما تتخطاش الحدود»، مؤكدة فى حوارها مع لميس الحديدى ، إنها تعلمت توزيع الطاقة على من يستحق وما يستحق .
وأضافت الفنانة أنغام أنه لا يوجد شخص يحصل على كل شيء، كما أن هذا الأمر لم يحدث، موضحة: «الست القوية المستقلة الناجحة المشهورة اللي مش محتاجة حاجه من حد دي امرأة لا تجد رجل أو إن الرجل ما يحتجلهاش ودا كلام واقعي، حتى لو هو قاسي أو مش أحلى حاجة، لكن دي الحقيقة».
وردّت الفنانة أنغام، على سؤال وجهته الإعلامية لميس الحديدي، «حسه إن مافيش حد يستاهلك ولا انتي اللي كنتي بتختاري غلط؟»، لتُجيب أنغام: «فكرة الاختيارات الغلط واردة في كل الناس لأن احنا مش مولودين معانا واصفة، يعني كلنا بنجرب، كل الناس بتجرب، وممكن يبقى أقرب الناس ليكي وأكتر حد بتحبيه وأكتر حد مأمناله يطلع حد تاني خالص انتي ما تعرفهوش خالص».
إحنا إنسان بيجرب في الحياة
واستكملت الفنانة أنغام: «انا بعذر الناس كلها في الحاجات دي وبعذر نفسي معاهم، لأن احنا في الآخر إنسان، إحنا إنسان بيجرب في الحياة».
استضافة لميس الحديدي الفنانة أنغام
وحلّت الفنانة أنغام ضيفة بحلقة برنامج «كلمة أخيرة» والمذاع عبر قناة «On»، تقديم الإعلامية لميس الحديدي، وتحدثت «أنغام» عن قصة حبها؛ قائلة: «عمري ما قفلت قلبي لكن عندي أولويات، أو بقت عندي متعة في الحياة قادرة افهم قيمتها اكتر بكتير من أي حاجة تانية أو أي حد».
