«أنغام» ردا على لميس الحديدي: «مافيش حد بياخد كل حاجة»
قالت الفنانة أنغام ، لا يوجد شخص يحصل على كل شيء، مضيفة :«الست القوية المستقلة الناجحة المشهورة اللي مش محتاجة حاجة من حد ..دى الراجل ما يحتجلهاش ودا كلام واقعي، حتى لو هو قاسي أو مش أحلى حاجة، لكن دي الحقيقة».
وأضافت الفنانة أنغام: «مافيش أي مشكلة، لأن مافيش حد بياخد كل حاجه أبدا، ما حصلتش وما شوفنهاش دي».
وردّت الفنانة أنغام على سؤال وجهته الإعلامية لميس الحديدي، «حاسه إن مافيش حد يستاهلك ولا انتي اللي كنتي بتختاري غلط؟»، لتُجيب أنغام: «فكرة الاختيارات الغلط واردة في كل الناس لأن احنا مش مولودين معانا وصفة، يعني كلنا بنجرب، كل الناس بتجرب، وممكن يبقى أقرب الناس ليكي وأكتر حد بتحبيه وأكتر حد مأمناله يطلع حد تاني خالص انتي ما تعرفهوش خالص».
واستكملت الفنانة أنغام: «أنا بعذر الناس كلها في الحاجات دي وبعذر نفسي معاهم، لأن احنا في الآخر إنسان بيجرب في الحياة».
استضافة لميس الحديدي الفنانة أنغام
حلّت الفنانة أنغام ضيفة بحلقة برنامج «كلمة أخيرة» والمذاع عبر قناة «On»، تقديم الإعلامية لميس الحديدي، وتحدثت «أنغام» عن قصة حبها؛ قائلة: «عمري ما قفلت قلبي لكن عندي أولويات، أو بقت عندي متعة في الحياة قادرة افهم قيمتها اكتر بكتير من أي حاجة تانية أو أي حد».
قيمة أبناء أنغام
وأضافت الفنانة أنغام: «مش هحط ولادي في مرتبة تانية مالهاش مقارنة مع أي حد، أو أي حاجة في حياتي، يعني مش هحطهم وأقارنهم أو أعدهم في أي حاجة في حياتي، هما دول ملوك حياتي».
أنغام تتحدث عن أولادها
واستكملت «أنغام»: «حياتي أنا العادية خالص، أنا بصراحة أغلى عند نفسي بكتير أوي من إن أضيع واقتي أو أضيع مشاعري أو مجهودي أو الحب أو العطاء اللي جوايا في حته ما تتقدرش».
سلسلة الحوارات الخاصة
وتأتي هذه الاستضافة ضمن سلسلة الحوارات الخاصة التي يقدمها البرنامج مع رموز الفن والثقافة في العالم العربي، وتُعد هذه الحلقة واحدة من أكثر اللقاءات المنتظرة.
