ستطبق قريبا.. وزير السياحة يكشف مفاجأة عن الفيزا الإلكترونية|فيديو
كشف شريف فتحي وزير السياحة والآثار عن الفيزا الإلكترونية التي يتم العمل على تعميمها حاليا؛ قائلا: «السائح علشان نسهل عليه عنده عدة بدائل للحصول على الفيزا، ودا بيعتمد على الجنسية، فيه ناس بتاخد الفيزا عند الوصول، وناس بتاخد الفيزا الالكتروني».
فيزا سياحية إلكترونية
وأضاف وزير السياحة والآثار خلال مداخلة هاتفية ببرنامج «الحكاية» والمذاع عبر قناة «ام بي سي مصر» تقديم الإعلامي عمرو أديب: «بتاخد طابع من البنك وبعد كده بتروح الجوازات وهي بتخلص الإجراءات، وفيه عدد من الجهات المتداخلة في هذا الأمر، وتم تكليفي بإدارة هذا الأمر مع الجهات المختلفة».
التصميم الخاص بالتجربة
وأوضح شريف فتحي: «التصميم الخاص بالتجربة اللي عاوز ياخد الفيزا يدخل على الموقع وياخد QR كود، والطريقة التانية إنك تاخد الفيزا من على التليفون ودا تطبيق هنطلقه، الطريقة التالته وهو ماكينة هنعمل عليها تجربة خلال الفترة الجاية».
واستكمل وزير السياحة: «المجموعات السياحية شركات السياحة هتقدر تطلع ليهم الفيزا بتاعتهم قبل ما يوصلوا، وعلى نصف الشهر الجاي هنبدأ نطبق التجربة، وهنعمل تجربة على مطار واتنين لحد ما نطبق الأمر على المطارات».
اجتماعات مستمرة لتنسيق الأمر
لافتا: «لازم نحط في بالنا أننا بتعمل حاجة مش موجودة، ولازم نواكب التطور، وكل الناس عندها روح جميلة وبتعمل اجتماعات وإن شاء الله هيكون فيه حاجة كويسة نقدر نقدمها».
أزمة الأهرامات الأخيرة
وبشأن أزمة الهرم: «موضوع الهرم كان كل واحد بيدخل بعربيته لحد الهرم، لكن في أي مكان مافيش حد بيدخل بالعربية الخاصة بيه، وبعض الناس مش قادرة تستوعب الأمر».
توفير أتوبيسات كهربائية
وأضاف: «الفكرة إن فيه اتوبيسات كهربائية وخدمة كبار الزوار وخدمات ذوي الهمم، ونسعى لعمل العديد من الإجراءات للتسهيل على السياح».
واختتم وزير السياحة والآثار؛ قائلا: «مش هنقدر نعمل طرق في منطقة الهرم، وغرفة شركات السياحة مبسوطة من التجربة، والتجربة تضاهي كل التجارب السياحية».
من ناحية أخرى؛ أعلنت وزارة السياحة والآثار، ممثلة في الهيئة المصرية العامة للتنشيط السياحي، عن مشاركتها كراعي رئيسي في عروض ديزني على الجليد (Disney ON Ice)، والتي تستضيفها مصر حاليًا، بالصالة المغطاة باستاد القاهرة الدولي بمدينة نصر بالقاهرة، والتي سوف تستمر حتى 31 مايو الجاري.
