بعد أزمته مع أروى قاسم وزوجته.. مسلم يستعد لطرح أغنية بداري
يستعد المطرب مسلم لطرح أحدث أعماله الغنائية تحت عنوان “بداري”، ومن المقرر أن يتم إطلاقها خلال موسم الصيف المقبل، ويتعاون من خلال هذا العمل للمرة الأولى مع الشاعر زياد ياسر، وتعد الأغنية من ألحان وتوزيع بهاء عبد الهادي.
أزمة أروى قاسم مع زوجة مسلم
ويأتي هذا العمل بعد أزمته الأخيرة مع البلوجر أروى قاسم وزوجته يارا تامر، بعدما تحدثت يارا تامر عما فعلته أروى قاسم في حفل زفافها على مسلم، ليخرج فيما بعد مسلم عن صمته ليدافع عن زوجته، حيث تحدث من خملال بث مباشر عبر حسابه الرسمي على موقع تبادل الصور والفيديوهات إنستجرام، وقال: “يارا عارفة أنا طيب إزاي .. وغصب عني لما يكون حواليا ناس مش بعرف أظبط كلامي أو اتعامل .. أنا كنت بحترم أروى وبعتبرها أختي الصغيرة .. واستقبلتها أحلى استقبال ومن كتر اللمة اللي حواليا بوست إيدها شياكة مني علشان أقدر أهرب منها .. ومش هاجي يوم فرحي أعاكس واحدة أو اقرب لواحدة لأن دي مش تصرفات واحد عاقل”.
تعليق مسلم على الأزمة
واستكمل مسلم قائلًا: “أنا بتعامل بنيتي الصافية .. واتفاجئت باللي يارا عملته وبسببها أنا ويارا شدينا مشادة جامدة وعرفنا نلم الدنيا لأن ربنا مدينا العقل في علاقتنا .. وأنتي يا أروى لو بتحبيني وتحترميني عمرك ما هتنزلي حاجة زي كده رغم أني قلت لها احذفي .. ولما بعت ليها اعتذر كان فيه كلام قبلها .. ولأني كنت بحاول ألم الدنيا لكنها اختارت كلام معين تنزله .. مراتي أنضف بني آدمة في العالم وبعدتني عن حاجات غلط .. ونضفت حاجات كتير ومكانش حد بيقولي الصح من الغلط .. هي مش بتاخد حاجة ولا اتجوزت دي أول فرحة ليها .. ولما تطلعي كلام على حد بلاش تخوضي في أعراض .. أنتي كده غلطي نفسك ده لو كان ليكي حق .. ومكانش نفسي نتحط في الحتة دي .. ومكنتش متخيل كل ده يحصل .. وأنا بقالي أربع أيام مش بنام علشان الدنيا تتم و70 ألف رقم بيكلمني .. لو عريس عادي بيتوتر .. وأانا حوالين مني صحافة وناس غصب عني هرتبك .. مش عاوز الموضوع ياخد حجم كبير .. وإحنا عملنا فرحنا وحضر كل الناس اللي بحبهم وده يكفينا .. مراتي دي أغلى حاجة عندي ومش ممكن أفضل حد تاني عليها .. وأنا إنسان كويس ومفيش أطيب مني ولا في جدعتني .. وصاصا كان شاتمني واتأسفت له في فرحي علشان أنا جوايا نضيف .. ومافيش حد كان زعلان مني وما صالحتوش .. بلاش تظلموا حد .. لأن الناس بقيت وحشة.”
