مسلم يرد على شقيقته: غلطت فيا وفي مراتي ومحدش بيختار أهله
رد مطرب المهرجانات مسلم على هجوم شقيقته على زوجته وعدم حضورها حفل زفافه، الذي أقيم الثلاثاء الماضي.
وقال مسلم في فيديو عبر حسابه بموقع انستجرام: “مينفعش أعيب في أهلي.. ومحدش بيختار أهله وربنا يهديها، وهي غلطت فيا وفي مراتي.. وكان نفسي تكون موجودة لكني عارف كرهها ليا وليارا.. وأمي كانت موجودة وده كفاية وموافقتش تكون موجودة وقالت لي طالما شتمتك وهزقتك متجيش.. وفي النهاية مهما كان أختي وربنا يهديها”.
شقيقة مسلم تكشف سبب غيابها عن حضور حفل زفافه
وكانت شقيقة مسلم كشفت سبب غيابها عن حفل زفافه، حيث قالت في فيديو لايف على تيك توك : "أنا يا جماعة مش بحب عروسته عشان هي حد قليل الأدب أوي .. وليها أسلوب غريب مش فهماه.. ومش بتحترمني ولا بتحترم أهله .. بغض النظر بقى إن ماما حضرت بس ده ابنها وكان لازم تحضر".
وأضافت شقيقة مسلم: "أنا اليوم ده روحت عملت شوبنج.. والناس كانت بتقابلني في المحلات ومستغربة إني مروحتش الفرح .. وأنا مروحتش علشان أنا فيه بيني وبينها مشكلة نفسية . وأنا مش هقدر أشوفها واقفة قدامي .. وأنا لا بوشين ولا بذمتين علشان كده مقدرتش أحضر ومهما كنت انت إيه عندي.. بس فيه شخص معاك متسبب لي في أذى فاعذرني .. وهو أخويا الصغير وفوق دماغي .. ويوم الخطوبة روحت وماكنتش أعرفها أصلًا.. عمومًا ألف مبروك وربنا يهنيهم يارب".
شقيقة مسلم تهاجم زوجته
كما علقت آية صورة على أزمة زوجة شقيقها والبلوجر أروى قاسم وقالت، وقالت في منشور عبر حسابها على تيك توك، وكتبت: "طب ما أنتي كنتي في حضنه وانتي لسه خطيبته على الأقل أروى أخته الصغيرة وكلنا عارفين الغريب إنك ساعتها مفتحتيش بوقك نفسي تشوفي نفسك كنتي إيه قبل ماتتكلمي عن التربية".
