زوجة مسلم عن البلوجر أروى قاسم : حسبي الله في الأشكال دي .. علشان دي أعراض
اشتعلت الأزمة بين يارا تامر، زوجة مطرب المهرجانات مسلم، والبلوجر أروى قاسم صديقة المطرب، في الساعات القليلة الماضية، وخرجت يارا في منشور جديد منذ قليل، عبر فيسبوك، للرد على هجوم أروى عليها بعد أن بادرت يارا بالهجوم منذ ساعات.
زوجة مسلم ترد على أروى قاسم
وكتبت زوجة مسلم، من خلال ستوري "إنستجرام" موجهة حديثها إلى أروى قاسم : "طبعًا دي واحدة يا حرام .. هتموت وتخليني أمسح الفيديو فا يا حول الله يارب طالعة تقول علي كلام .. مفيش عيل صغير أهبل يصدقه .. يعني بس يا حبايبي أنتو عارفين إني أنضف من القرف ده .. كفاية إني خوفت أشتم أو أقول لفظ على بنت زيي".
وتابعت يارا تامر : "حسبي الله في الأشكال دي .. كفايا اللي أنتو عملتوه فيها .. وقعت في شر أعمالها .. بس كده هيكون الرد من جوزي ومني أنا كمان .. علشان دي أعراض".
يارا تامر عن أروى قاسم
وكانت قد قالت زوجة مطرب المهرجانات مسلم في فيديو لها، عبر تيك توك : "الشخصية الملزقة دي انتي بالنسبالي أنا ومسلم طفلة .. والشخصية دي مرمية في أحضان الناس من زمان .. وكنت بشوفها في أحضان المغنيين كلهم".
وأضافت موجهة هجومها إلى أروى قاسم : "حبيبتي انتي لو صاحبته وخايفة إنك تخربي بيته ..أكيد عمرك ما كنتي هتنزلي الفيديو ده .. وانتي اللي هتتأذي لأن ده ميطلعش من بنات ناس أصلا .. والناس كده كده عارفة الشخصية دي بتعمل إيه .. وانتي كان كل همك الريتش واتعملك بلوك منه في الأخر وسمعتي كلام مني زي الزفت وجيبتي لأهلك العار".
وتابعت زوجة مسلم : "انتي متربتيش لأن دي مش أخلاق بنات محترمة .. وأنا ماكنش عندي أي مشكلة مع الشخصية دي .. ومعنديش مشكلة إن جوزي يبقي عنده صحاب بنات طالما هما محترمين .. الراجل لما بيشوف واحدة سايبة طبيعي إنه يتمادى معاها عادي مفيش مشكلة".
واختتمت الفيديو قائلة : "وأنا واقفة انتي متقدريش ترفعي عينك فيه وهو كذلك .. أنا في وجودي في حاجات بتختلف أنا في وجودي اتعملك بلوك .. وعمره ما هيستغني عني علشانك .. افهموا يا جماعة دي شخصية بتاعت شو .. وجوزي أنا عارفه إنه غلطان".
رد أروى قاسم
وخرجت بعدها بقليل البلوجر أروى قاسم، للرد على فيديو يارا تامر، وكتبت عبر ستوري إنستجرام : "معلش يا جماعة اعذروها أكيد ماكنتش في وعيها وهي بتعمل الفيديو عني .. أكيد مخدتش الجرعة بتاعتها النهارده .. علشان هي بتضرب في الوريد على طول .. ليس على المريض حرج".
وتابعت أروى : "ومعلش مابوظتش يعني ليلة العمر .. دي الجوازة الـ 6 ليكي من الخلايجة .. وكفاية كده عليكي علشان أنا عاملة احترام للغالي .. علشان هو غالي عندي .. وأتأسفلي وقالي حقك علي .. فا ده يكفيني أنا هحترمه علشان انتي ماعملتيلوش أي احترام".
