مسلم يرد على انتقادات بدلة زفافه: لبسي من بره ودي ثقافة أمريكية
رد مطرب المهرجانات مسلم على الانتقادات التي وجُهت له بعد ظهوره بلإطلالة وصفت بغير اللائقة في حفل زفافه، الذي أقيم يوم الثلاثاء الماضي.
وقال مسلم في فيديو عبر حسابه بموقع انستجرام: “عاوز اتكلم بصراحة.. أول حاجة الفرح عدى على خير واليوم كان كويس.. الحمد لله انبسطنا باللي حصل.. موضوع البدلة كده كده الحمد لله مش محتاج اعمل تريند.. واطلع على حىس حاجة، أنا من زمان بطلع تريند بشكلي ولبسي وكل جاحة”.
البدلة اللي مش عاجبكم من فرنسا
وأضاف مسلم: “عارف أن ثقافة اللبس بتاعي مش ثقافة الشارع بتاعنا ولا ثقافة مصر.. لكن أنا بحب الفاشون ومتأثر بالحاجات دي، ومتابع الناس اللي بره وحاجتي بتيجي من بره مصر.. والبدلة اللي مش عاجبكم من فرنسا، والتيشرت اللي تحتها من ماركة برادا”.
وتابع مسلم: استغربت أن فيه كتير كانوا مصدومين من إطلالتي رغم أن فيه فنانين كتير غيري لبسوها مش أنا بس.. ولكن لازم مسلم اللي يتحط عليه واسمع كلام زي السم.. أنا مش محتاج آراء حد.. اللي مش حاببني يعملي انفولو.. لكن مالهاش لازمة تشتمني وتشتم أهلي وأنا لا شتمت حد ولا هزقت حد".
لبسي ثقافة أمريكية
وأدرف:"أنا قدرت كل اللي جالي الفرح الصغير قبل الكبير وعاملتهم كويس.. وبحب أطلع شكلي مميز وناجح.. وأنا ناجح أخليك تتكلم عن أي حاجة بلبسها وناس كتير بتفهم في اللبس شايف انها جامدة.. ودي ثقافة أمريكية وبره مصر… ودي طريقة لبسي، وعملتها وأنا راضي عن نفسي وكفاية أهلي ومراتي وحتى الفنانين اللي جولي كانوا معجبين بيها.
واختتم: “بلاش تشتم وخلاص مش هسمع لحد معنديش أسهل من البلوك… وأنت مش هتستفيد حاجة..قول رأيك بصراحة واحترام.. مش هزعل ودي آراء وكل واحد عنده وجهة نظر.. أنا مقلتش ليك تعالى البس البدلة مكاني أو تعالى ادفع لي تمنها، وبعدين هات سعرها وتمنها وأبقى اتكلم”.
