شقيقة مسلم تهاجم زوجته : عالم مدمنة .. ومتتكلميش عن التربية
تحدثت آية زكريا، شقيقة مطرب المهرجانات مسلم، عن يارا تامر، زوجة مسلم، بعد هجومها على البلوجر أروى قاسم، حيث ظهرت الأخيرة مع مسلم بحفل زفافه وهي تمسك يده وتقترب منه.
شقيقة مسلم تنتقد زوجته
وشاركت آية صورة لمسلم وزوجته في فترة خطوبتهما، من خلال حسابها على تيك توك، وعلقت : "طب مانتي كنتي في حضنه وانتي لسه خطيبته .. على الأقل أروى أخته الصغيرة وكلنا عارفين .. الغريب إنك ساعتها مفتحتيش بوقك .. عالم مدمنة صحيح .. نفسي تشوفي نفسك كنتي إيه قبل ماتتكلمي عن التربية".
شقيقة مسلم تكشف سبب غيابها
وسبق وكشفت شقيقة مسلم منذ ساعات، عبر حساباتها على السوشيال ميديا، سبب غيابها عن حفل زفاف شقيقها، حيث قالت في فيديو : "أنا لا بوشين ولا بذمتين ومهما كنت انت إيه عندي.. بس فيه شخص معاك متسبب لي في أذى فاعذرني .. لأني مش بوشين ومابحبهاش .. ولو اللي معاها روحي فيه مش هروح فرحه .. وهو أخويا الصغير وفوق دماغي .. ويوم الخطوبة روحت وماكنتش أعرفها أصلًا .. وكنت جنب مسلم على الرغم إن ماكنش حد جنبه".
شقيقة مسلم تهاجم زوجته
وواصلت آية زكريا مهاجمة زوجة مسلم : "هي ماكنتش ألطف حاجة وطول عمرها عندها أسلوب مش فاهماه بصراحة .. أنا يا جماعة مابحبش عروسته عشان هي حد قليل الأدب أوي .. وليها أسلوب غريب مش فهماه .. وهي لا احترمت أخته الكبيرة اللي هي أنا ولا أهله أصلا .. بغض النظر بقى إن ماما حضرت بس ده ابنها وكان لازم تحضر".
وتابعت: "أنا اليوم ده روحت عملت شوبنج .. والناس كانت بتقابلني في المحلات ومستغربة إني مروحتش الفرح .. وأنا مروحتش علشان أنا فيه بيني وبينها مشكلة نفسية .. وأنا مش هقدر أشوفها واقفة قدامي .. عمومًا ألف مبروك وربنا يهنيهم يارب".
هجوم زوجة مسلم على أروى قاسم
وكانت قد وجهت يارا تامر، زوجة مسلم هجومًا على البلوجر أورى قاسم ووصفتها بالـ "الملزقة"، حيث قالت خلال فيديو عبر تيك توك : "الشخصية الملزقة دي انتي بالنسبالي أنا ومسلم طفلة .. والشخصية دي مرمية في أحضان الناس من زمان .. وكنت بشوفها في أحضان المغنيين كلهم".
وأضافت يارا : "حبيبتي انتي لو صاحبته وخايفة إنك تخربي بيته ..أكيد عمرك ما كنتي هتنزلي الفيديو ده .. وانتي اللي هتتأذي لأن ده ميطلعش من بنات ناس أصلًا .. والناس كده كده عارفة الشخصية دي بتعمل إيه .. وانتي كان كل همك الريتش واتعملك بلوك منه في الأخر وسمعتي كلام مني زي الزفت وجيبتي لأهلك العار".
وواصلت زوجة مسلم في هجومها على أروى : "انتي متربتيش لأن دي مش أخلاق بنات محترمة .. وأنا ماكنش عندي أي مشكلة مع الشخصية دي .. ومعنديش مشكلة إن جوزي يبقي عنده صحاب بنات طالما هما محترمين .. الراجل لما بيشوف واحدة سايبة طبيعي إنه يتمادى معاها عادي مفيش مشكلة".
