أروى قاسم ترد على زوجة مسلم : معلش مخدتش الجرعة .. ودي الجوازة الـ 6 ليكي
ردت البلوجر أروى قاسم، على هجوم يارا تامر، زوجة مطرب المهرجانات مسلم عليها، منذ قليل خلال فيديو على تيك توك، وذلك بعد أن تم تداول عدد من الفيديوهات لأروى ومسلم خلال حفل زفاف الأخير وهي تقترب منه وممسكة بيده.
رد أروى قاسم
وكتبت أروى عبر ستوري إنستجرام موجهة حديثها إلى يارا تامر : "معلش يا جماعة اعذروها أكيد ماكنتش في وعيها وهي بتعمل الفيديو عني .. أكيد مخدتش الجرعة بتاعتها النهارده .. علشان هي بتضرب في الوريد على طول .. ليس على المريض حرج".
وتابعت أروى قاسم : "ومعلش مابوظتش يعني ليلة العمر .. دي الجوازة الـ 6 ليكي من الخلايجة .. وكفاية كده عليكي علشان أنا عاملة احترام للغالي .. علشان هو غالي عندي .. وأتأسفلي وقالي حقك علي .. فا ده يكفيني أنا هحترمه علشان انتي ماعملتيلوش أي احترام".
هجوم يارا تامر
وكانت قد وجهت يارا تامر، زوجة مسلم هجومًا على البلوجر أورى قاسم ووصفتها بالـ "الملزقة"، حيث قالت خلال فيديو عبر تيك توك : "الشخصية الملزقة دي انتي بالنسبالي أنا ومسلم طفلة .. والشخصية دي مرمية في أحضان الناس من زمان .. وكنت بشوفها في أحضان المغنيين كلهم".
وأكملت يارا : "حبيبتي انتي لو صاحبته وخايفة إنك تخربي بيته ..أكيد عمرك ما كنتي هتنزلي الفيديو ده .. وانتي اللي هتتأذي لأن ده ميطلعش من بنات ناس أصلًا .. والناس كده كده عارفة الشخصية دي بتعمل إيه .. وانتي كان كل همك الريتش واتعملك بلوك منه في الأخر وسمعتي كلام مني زي الزفت وجيبتي لأهلك العار".
وواصلت زوجة مسلم في هجومها على أروى : "انتي متربتيش لأن دي مش أخلاق بنات محترمة .. وأنا ماكنش عندي أي مشكلة مع الشخصية دي .. ومعنديش مشكلة إن جوزي يبقي عنده صحاب بنات طالما هما محترمين .. الراجل لما بيشوف واحدة سايبة طبيعي إنه يتمادى معاها عادي مفيش مشكلة".
تفاصيل حفل الزفاف
يُذكر أن مطرب المهرجانات مسلم، احتفل يوم الثلاثاء الماضي، بحفل زفافه على زوجته يارا تامر في أحد أشهر فنادق القاهرة، وقد آثار الجدل بسبب إطلالته الغربية، بجانب قيامه بإنهاء خلافه مع مطرب المهرجانات عصام صاصا أثناء حفل زفافه.
