زوجة مسلم تهاجم البلوجر أروى قاسم : ملزقة ومن زمان مرمية في أحضان المغنيين
خرجت يارا تامر، زوجة مطرب المهرجانات مسلم، للتعليق حول الفيديوهات التي جمعت زوجها بالبلوجر أروى قاسم، خلال حفل زفاف يارا ومسلم، والتي أثارت الجدل بسبب إمساك مسلم بيد أروى واقترابهما من بعض أثناء التصوير.
غلطان وتمادى
وقالت زوجة مسلم، من خلال فيديو على تيك توك : "حابة أوضح كام حاجة .. مسلم لما بيكون فرحان .. مش بيركز في كلامه ولا تصرفاته وبيتعامل بتلقائية .. مش ببرر له هو أه غلطان وتمادى ومكنش المفروض يقول كده".
يارا تهاجم أروى قاسم
وأكملت يارا تامر حديثها، مهاجمة البلوجر أورى قاسم : "الشخصية الملزقة دي انتي بالنسبالي أنا ومسلم طفلة .. والشخصية دي مرمية في أحضان الناس من زمان .. وكنت بشوفها في أحضان المغنيين كلهم".
وتابعت يارا : "حبيبتي انتي لو صاحبته وخايفة إنك تخربي بيته ..أكيد عمرك ما كنتي هتنزلي الفيديو ده .. وانتي اللي هتتأذي لأن ده ميطلعش من بنات ناس أصلا .. والناس كده كده عارفة الشخصية دي بتعمل إيه .. وانتي كان كل همك الريتش واتعملك بلوك منه في الأخر وسمعتي كلام مني زي الزفت وجيبتي لأهلك العار".
وأضافت زوجة مسلم في هجومها على أورى : "انتي متربتيش لأن دي مش أخلاق بنات محترمة .. وأنا ماكنش عندي أي مشكلة مع الشخصية دي .. ومعنديش مشكلة إن جوزي يبقي عنده صحاب بنات طالما هما محترمين .. الراجل لما بيشوف واحدة سايبة طبيعي إنه يتمادى معاها عادي مفيش مشكلة".
واختتمت : "وأنا واقفة انتي متقدريش ترفعي عينك فيه وهو كذلك .. أنا في وجودي في حاجات بتختلف أنا في وجودي اتعملك بلوك .. وعمره ما هيستغني عني علشانك .. افهموا يا جماعة دي شخصية بتاعت شو .. وجوزي أنا عارفه إنه غلطان".
تفاصيل حفل زفاف
وكان قد احتفل مطرب المهرجانات مسلم، يوم الثلاثاء الماضي، بحفل زفافه على زوجته يارا تامر في أحد أشهر فنادق القاهرة، وقد آثار الجدل بسبب إطلالته الغربية.
إنهاء خلاف مع عصام صاصا
وسبق وكشف مسلم في تصريحات خاصة لموقع "نيوز رووم"، أثناء حفل الزفاف، عن سبب إنهاء خلافه مع عصام صاصا في ذلك التوقيت بالتحديد، حيث قال: "أنهيت خلافي مع عصام صاصا عشان مبحبش المشاكل .. ربنا يباركله في حياته .. أنهيت خلافنا في فرحي عشان مينفعش أزعل حد في فرحي .. أنا اتربيت على الأصول .. لو هو غلطان فأنا اتصرفت صح .. ولو أنا غلطان أبقى اتصرفت صح".
