«ظهرت بعد 17 سنة».. شبانة: عبد الحليم حافظ لم يتزوج سعاد حسني|فيديو
كشف محمد شبانة، نجل شقيق عبد الحليم، تفاصيل جديدة حول ما تردد عن زواج العندليب الأسمر عبد الحليم حافظ وأسرة السندريلا سعاد حسني، مؤكدًا أن ما تم تداوله لا يستند إلى أي حقيقة.
سعاد وحليم
وقال محمد شبانة في مداخلة هاتفية ببرنامج "تفاصيل" الذي تقدمه الإعلامية نهال طايل على قناة صدى البلد 2: "إحنا عمرنا ما قولنا إن سعاد وحليم اتجوزوا، بالعكس، أسرتها هي اللي قالت كده، وسعاد طول حياتها ما جابتش سيرة الزواج ده، والكلام ده بدأ يطلع بعد وفاتها، وده كان بعد 17 سنة من وفاة عمي".
مشاعر حب حقيقية
وأوضح محمد شبانة أن عبد الحليم كان يُكن مشاعر حب حقيقية لسعاد، قائلًا: "أيوه، عمي عبد الحليم كان بيحبها، بس متجوزهاش، وهو قال قبل كده إن الجواز مش حب بس، فيه حاجات تانية، والتسجيل اللي قال فيه الكلام ده هينزل قريب".
من ناحية أخرى؛ كشف الموسيقار يحيى الموجي حقيقة زواج الفنان الراحل عبد الحليم حافظ من سندريلا الشاشة العربية سعاد حسني، حيث نشر عقد الزواج العُرفي، الذي نشرته أسرة الراحلة سعاد حسني عبر حسابه الرسمي على موقع التواصل الإجتماعي فيسبوك، وعلق عليه قائلًا: “مفيش حيرة ولا حاجة .. واضح أن العقد ده مزور .. علشان مكتوب في اخره جمهورية مصر العربية .. عام 1960 .. وفي الوقت ده كان اسمها الجمهورية العربية المتحدة .. صح كلامي”.
بيان أسرة عبد الحليم حافظ
وقد نشرت أسرة عبد الحليم حافظ بياناً رسميًا تنفي فيه زواج العندليب من السندريلا، وجاء كالتالي: “مر على وفاتك يا حليم حوالي نصف قرن .. والناس لسه بتسأل هل الإشاعة عن جوازك حقيقية ولا لأ؟ .. يا حليم أنت أعظم واحد غنيت للحب .. ومن وجهة نظري ده كان بسبب حرمانك منه من أول حب الأم اللي اتحرمت منه يوم ولادتك .. لحد الحرمان من حب الزوجة والأبناء عشان في ناس كتير بتحب تتشهر .. وخصوصًا لما أضواء الشهرة عندها بتقل وتتطفي .. فيجيبوا سيرتك عشان يرجعوا تاني في دايرة الضوء .. إشاعات كتير طلعت وأنت عايش منها الإشاعات اللي كانت بتقول أنك بتتدعي المرض علشان تنال تعاطف الجمهور”.
