"تزوير فج وتشويه متعمد" .. نور الشناوي يرد على وثيقة الزواج المتداولة للعندليب

خرج  نور الشناوي حفيد العندليب الأسمر عبد الحليم حافظ عن صمته، ليرد بقوة على ما تم تداوله مؤخرًا من وثيقة زواج منسوبة للفنان الراحل من السندريلا سعاد حسني ، واصفًا ما جرى بأنه "تزوير رسمي وتشويه متعمد لتاريخ فني نقي ومحترم".

وفي منشور آخر عبر حسابه عبر موقع التواصل الاجتماعي فيس بوك، "أوضح أن العقد المزعوم يحتوي على أخطاء، أولها أن الوثيقة ذكرت اسم الدولة "جمهورية مصر العربية" في حين أن الاسم الرسمي للدولة في عام 1960 - وهو التاريخ المذكور في الوثيقة - كان "الجمهورية العربية المتحدة"، ما يثبت عدم صحة المستند" .

وجاء نص المنشور:"يعنى العقد ده اللى طلعتوا السيدة بدون ذكر أسامي أولاً فيه غلطات كارثية .. أول حاجه جمهوريه مصر العربيه مكنش اسمها كده سنه ١٩٦٠ كان اسمها الجمهوريه العربيه المتحده .. تانى حاجه هذه ليست إمضة عبد الحليم .. لما يتم تزوير رسمي زي كده وتشويه لفنان أليس من حق العيله الرد واحنا مش بنقلل من قيمه الفنانة لأن هي فنانة كبيرة ولكن لما يتم الكدب ونشر التزويرعلينا احنا إننا نرد". 

رد نور الشناوي على الخطاب المتداول 

كما نفى في منشور آخر على لسان نور الشناوي ما يُقال عن أن العائلة تسعى للتريند أو الشهرة من وراء الأزمة و يرد على الخطاب المتداول قائلًا : "أنا قاعد ساكت كتير احترامًا لأراء الناس اللي على راسي والانتقادات اللي حصلت الكام يوم اللى فاتوا فى موضوع الرساله وإن العيله لقوا الرساله دلوقتى وإننا عايزين نطلع ترند ونتشهر ونشوه وكلام ملوش أساس من الصحه العيلة اصلاً مش اللى ابتدت الموضوع ده وأن الصحافه وناس كتير أوي عايزه تكسب وتستفيد من وره الموضوع ده وان عايزه تجوز اتنين بالعافيه وهما ماتجوزوش واللى عنده إثبات يطلعوا لكن كله كلام فى الهوى ومالوش اى اساس من الصحه.. من حقنا كا عيله يا ناس محترمة ان لما يتم افتعال شئ ماحصلش اننا نطلع ننكر واى حد لو مكانه هيعمل كده الحمد لله مافيش اى فنان فى مصر او بيت فنان فى مصر حد قدر يحافظ القيمه والقامه الفنيه اللى عبد الحليم حافظ سابها لمصر والعالم العربى من بيت لمقتنيات شخصية ولتراث فنى زينا انا بس مش فاهم ليه لو الواحد اتجوز هينكر الجواز ده شئ مافيهوش عقل اصلاً و لكل الناس التقدير و الاحترام".