بعد إحالتها للمحاكمة .. ابن راندا البحيري: أمي اتظلمت كتير أوي
علق ياسين الأشروبي، نجل الفنانة راندا البحيري، على قرار إحالة والدته للمحاكمة، بتهمة السب والتشهير بطليقها، الإعلامي سعيد جميل، مؤكدا في منشوره على “فيسبوك” أنه لن يترك والدته في أزمتها الأخيرة.
نجل راندا البحيري يُعرف نفسه للجمهور
وكتب نجل راندا البحيري : “أنا ياسين الأشروبي .. أيام إن شاء الله و هتم الـ 15 سنة .. شاب مصري من حي الجيزة .. من مواليد ميدان التحرير وسط البلد .. عيشت واتربيت في وسط البلد والجيزة وليا أصحاب في مصر كلها .. ابن الفنانة والأم الجميلة راندا البحيري ..وأنا كلي فخر اني ابنها”.
نجل راندا البحيري يكشف استيائه مما تتعرض له والدته
وأضاف ياسين : “ كل اللي عايز أقوله حاليًا إني مش هسيب ماما في اللي هي فيه .. وفي الظلم اللي هي بتتظلمة يوميًا .. أنا تاتظلمت كتير وكلكم عارفين من مين ..وهي كمان اتظلمت كتير أوي اوي ..ودايما كانت هي بتصدر الوش المبسوط وانها مش متضايقه وكده”.
واختتم نجل راندا البحيري : “ أمي كانت بتعاني من حاجات كتير ومن مضايقات .. وكانت بتتتهدد وكان بيحصل معاها حاجات كتير وحشة .. أي حد مكانش يتحملها .. ربنا يخليكي ليا يا ماما و دايما تكوني في أحسن حال .. وربنا ما يحرمنا من بعض أبدًا”.
قرار إحالة راندا البحيري للتحقيق
يُذكر أن الفنانة راندا البحيري، وجهت رسالة غامضة لمتابعيها، منذ أيام قليلة، عبر حسابها على إنستجرام، وذلك في أول رد فعل بعد قرار إحالتها للمحاكمة، حيث نشرت البحيري صورة لها وأرفقتها بمقطع صوتي قالت فيه: “في بني آدمين أرق من الحياة، الحياة قاسية".
وكانت محكمة القاهرة الاقتصادية، حددت أولى جلسات محاكمة الفنانة راندا البحيري بتهمة السب والتشهير بطليقها الإعلامي سعيد جميل، عبر مواقع التواصل الاجتماعي وذلك يوم 18 مايو الجاري.
