الحب أعمي.. "جليلة" تخرج عن صمتها والسبب تامر حسني
حلت الفنانة جليلة المغربية في برنامج "الفصول الأربعة" المُذاع على قناة الجديد اللبنانية، الذي يقدمه الإعلامي علي ياسين، وتحدثت خلال اللقاء عن علاقتها بالفنان تامر حسني، وعن علاقتها الحالية مع بسمة بوسيل.
إعجاب مبدئي
وقالت جليلة المغربية خلال اللقاء: "كنت معجبة ب تامر حسني من 2009، من أيام فيلم عمر وسلمي.. وكنت بقول لصحابي لو هحب فنان مصري هيكون تامر حسني.. ووقتها حصلت صدفة جمعتني بيه.. لما صديق مشترك دعاني للعشاء في أبو ظبي.. لما شوفت تامر أول مرة حسيت أن في إعجاب متبادل.. فضلنا نتكلم لحد الفجر.. تامر وقتها هو اللي كلمني وبعتلي.. ومن وقتها بدأت العلاقة شوفت منه حاجات كتير حلوة.. وشوفت حاجات تانية وحشة".
زواج تامر حسني
وتحدثت جليلة المغربية عن كسر قلبها بسبب تامر حسني، حيث قالت خلال اللقاء: "كنت بجهز نفسي عشان نطلع نتعشى سوا.. وجالي تليفون من صديق مقرب بلغني فيه أن تامر حسني هيتجوز ساعتها قلبي اتكسر.. فضلت أصرخ للصبح.. وكسرت غرفتي في الفندق من القهر.. ساعتها اتخذلت جدًا.. بقى عندي فوبيا من الرجالة والسفر.. فضلت 4 أيام في مصر.. بعدين رجعت الإمارات، ولحد دلوقتي مش قادرة أنسى الوجع".
حبيبة تامر حسني
وعن تسميتها بحبيبة تامر حسني قالت: “الناس بتسميني على السوشيال ميديا حبيبة تامر حسني.. و لكن أنا معروفة من عام 2018 على السوشيال ميديا من قبل كل ده.. موضوع تامر جه صدفة و مكنتش مخططة له".
بسمة بوسيل
وتحدثت جليلة المغربية عن علاقتها الحالية بالفنانة بسمة بوسيل طليقة المطرب تامر حسني، و قالت: "دلوقتي مافيش بينها و بيني عداوة.. كان في بينا شد و جذب على السوشيال ميديا.. فضل الشد ده لمدة سنين.. لكن حاليًا أنا وصلت لمرحلة السلام النفسي.. وهي بعتتلي سلام عن طريق صديق مشترك يُدعى حمودي.. و أنا كمان ببعتلها السلام من البرنامج هنا.. و قدمتلها العزاء في والدها رحمه الله.. و بتمنالها كل الخير والتعويض".
