بسمة بوسيل تطرح أغنيتها الجديدة " فى شرع مين " عبر المنصات

طرحت الفنانة المغربية بسمة بوسيل عبر المنصات المختلفة أغنيتها الجديدة " في شرع مين " .

حيث روجت عبر موقع التواصل الاجتماعى الفيديوهات والصور انستجرام لأغنية حيث نشرت مقطع من الأغنية  وكتبت " دة شرع مين أغنيتي الجديدة متاحة الآن على جميع المنصات " 

كلمات أغنية " دة شرع مين " 
 

في شرع مين‏
ده في شرع مين
إن أنت توجع قلبي وافضل اتفرج
لأ ده أنت فعلا بتهرج
ماهو مين يشوف موته بعينيه
يفضل ثابت ولا يتحرك
في كدابين
لكن في زيك كدبهم بيفوق حده...
قفلت بيبانك واتسده
یا خسارة اللي ببني فيه
وفي ثانية جيت أنت تهده
ياما أنت كريم
يا رب عشان بتلحقني
من الوهم اللي غرقني
خلاص الدرس فوقني.. واديني مشيت
ده جرح قديم
ما عنديش نية يتكرر
وجودك سم بيمرر
حياتي وفوق ما تتصور .. أنا استكفيت
لو ليك مكان
كان ليك زمان دلوقتي ما بقاش متبقي
حبك بيخنق ويشقي
هنساك عشان ارتاح خلاص
واظن يعني ده من حقي ..!!
سايباك عشان
أنت اللي زيك آخره يتساب بسهولة
ويا سيدي سهلة ومحلولة
بعدك هقابل تاني ناس
وامشي سكك مش مقفولة
 

آخر أعمال  بسمة بوسيل 

طرحت الفنانة بسمة بوسيل أغنيتها "لأ ثواني" خلال شهر يناير الماضي، وحققت صدى واسعًا عبر منصات الاستماع المختلفة. الأغنية من كلمات عليم، وألحان محمد خلف، وتحمل طابعًا دراميًا يعكس مشاعر الألم والخذلان في العلاقات العاطفية.

تعبر كلمات الأغنية عن الإحساس بعدم التقدير من الطرف الآخر، حيث تبدأ بعبارة قوية: "لأ ثواني.. مش شايف إني معاك بعاني؟!"، وكأنها تساءل الحبيب عن عدم ملاحظته لمعاناتها. كما تعكس الكلمات إحساس الندم على الانتظار بلا جدوى: "انتظاري لسماع اعتذارك، كان غباءً وابتلاءً"، في إشارة إلى أنها أدركت أخيرًا عدم جدوى تعلقها بهذا الحب، وتختم بقرار حاسم: "أيوه، بعلن انسحابي، من أي مشاعر كانت ليك"، لتؤكد النهاية القاطعة لهذا الارتباط العاطفي.

الأغنية لاقت تفاعلًا كبيرًا من الجمهور، حيث اعتبرها البعض تعبيرًا صادقًا عن تجارب شخصية مروا بها، خاصة وأنها تحمل كلمات بسيطة لكنها مؤثرة، مع لحن يعزز الإحساس بالحزن والانفصال.