ريهام سعيد تقرر مسح حلقة «فتاة أكتوبر»: «لو ذعتها هاخد ذنوب وعندي 3 عيال عايزة أربيهم»

كشفت الإعلامية ريهام سعيد في بث مباشر على منصة "فيسبوك"، عن الأسباب الحقيقية وراء عدم إذاعة حلقة "شيماء"، صاحبة واقعة محاولة إنهاء حياتها بمنطقة أكتوبر، والتي ظهرت مؤخرا على شاشة قناة الشمس، مؤكدة أنها فضلت راحة الضمير على سبق المشاهدات، موضحة أن محتوى الحلقة كان يتنافى مع القيم الدينية والمهنية.

ذنوب ومهاجمات مكررة

وأكدت ريهام سعيد على أن إذاعة الحلقة كانت ستضعها في مأزق أخلاقي، قائلة: "حلقة شيماء دي لو كنت ذعتها كنت هاخد ذنوب"، موجهة رسالة لمنتقديها وللبرامج الأخرى، مشيرة إلى أنها كانت الرائدة في هذا النوع من المحتوى: "كل البرامج اللي بتعمل نوعية المواجهات بتعمل اللي صبايا الخير عمله من 13 سنة".

رفضت إذاعة إحدى الحلقات

وخلال بث مباشر على صفحتها الرسمية، قالت: « يعني الست دي متصورة وهي داخلة القناة من حوالي شهر أو شهر ونص، يعني أنا أول واحدة صورت معاها في مصر، وبعد إذاعة اللقاء رفضت إذاعة هذا اللقاء».

أسرار لم تذاع وفيديوهات مرفوضة

وكشفت ريهام عن مفاجأة حول كواليس الحلقة الملغاة، مؤكدة أنها تمتلك موادا تدين الضيفة لكنها رفضت استغلالها، قائلة: "يا شيماء، إحنا ما ذعناش الحلقة اللي فيها شتيمتك لينا، والحلقة لسه موجودة عندنا.. وكمان عندنا صور وفيديوهات تخص جوزك، لكن إحنا ما نشرناهاش ومش هننشرها، لأن ده غلط شرعا ومهنيا، وإحنا رافضين التعامل بالشكل ده".

الانتصار للشرف والعائلة

وشددت الإعلامية على أنها لن تتراجع عن قرارها، ولن تظهر هذه الحلقة للنور أبدا، بل وستقوم بحذفها نهائيا، معلقة: "أنا مش هطلع الحلقة دي لا دلوقتي ولا بعدين، وهامسحها كمان.. إحنا عمرنا ما بنتكلم في أعراض الناس ولا شرف حد.. واللي قولتيه واللي بعتيه عن جوزك من صور وفيديوهات ما ينفعش يتعرض على التلفزيون، ولا يتنشر أصلا، لأن دي أمور شخصية وإحنا مش بنشتغل بالطريقة دي".

الضمير فوق المشاهدات

وأكدت ريهام سعيد أن تربية أبنائها بمال وسمعة طيبة أهم من التريند، قائلة: "أنا بنام على المخدة بالليل وضميري مرتاح، وده عندي أهم بكتير.. عندي 3 عيال عايز أربيهم وأسيب لهم سيرة كويسة، وده أحسن عندي 100 مرة من إني أنزل بوست يجيب 2 مليون مشاهدة".