أحمد عبدالوهاب: صبا مبارك دي الكراش بتاعتي من زمان.. وفيه كيميا بينا

قال الفنان أحمد عبدالوهاب نجم مسلسل «ورد على فل وياسمين»: «صبا مبارك دي الكراش بتاعتي من زمان، ولما عرفت إنها هي اللي هتبقى واقفة قدامي في الشغل، كنت متحمس جدا أشوفها، لأنها نجمة كبيرة وقمر ما شاء الله».

أنا كنت رايح أشوف وأتعلم

وأضاف خلال لقائه مع الإعلامي عمرو أديب ببرنامج الحكاية: «أنا كنت رايح أشوف وأتعلم، لأني لسه جديد وخبرتي قليلة، وتقريبا دي أول بطولة ليا، فكنت مستني أشوف التعامل هيبقى إزاي».

فيه كيمياء بينا

وتابع: «هي كانت سبب كبير جدا في إن الناس تقول إن فيه كيمياء بينا، لأنها استقبلتني كويس وطمنتني، وقعدنا اشتغلنا مع بعض، وما حسستنيش أبدا بفرق إن هي نجمة أكبر».

من أول ثانية كان حضورها مش عادي

واستكمل: «من أول ثانية كان حضورها مش عادي، وحضورها فعلا قوي جدا، ومشينا مع بعض في حتة كده من غير ما نتفق عليها أصلا، وده ساعد إن الشغل يطلع بالشكل اللي الناس شافته».

إشادة ماجدة خيرالله بـ أحمد عبدالوهاب

وعلقت ماجدة خيرالله قائلة: “في الحلقة الثامنة وهي الأقوي، من مسلسل يا ورد على فل وياسمين، يعترف د. طارق (أحمد عبدالوهاب) بحبه لإلهام (صبا مبارك) فيكون ردها غير متوقع، صادم ومؤلم وواقعي، ويقدمان في هذا المشهد أعلي أداء مليء بالشجن، ويكون رد فعله قليل الكلام ولكنه صادق ومؤلم، يؤكد أننا أمام نجم شاب قادم بشدة، إذا لم يتعجل خطواته القادمة، أما صبا مبارك فقد وصلت إلي حالة من الصدق الفني حتي أن صوتها وأداءها في هذا المشهد يكشف أعماقها ويكذب ما تنطق به من كلمات ربما لأن خبراتها في الحياه تفوق خبراته، وتحاول أن تمنع الألم القادم من جراء علاقة عاطفية غير متكافئة تمامًا المسلسل يزداد سخونة ويضع المشاهد أمام شلال من التوقعات!”