عمرو وهبة: "الحيوانات بتحس زينا ومينفعش نطلع عقدنا عليهم"

تحدث الفنان عمرو وهبة ،عن معاناة الحيوانات وتأثرها بالعنف وذلك من خلال تدوينه نشرها عبر صفحته الرسمية بموقع التواص الاجتماعي "فيسبوك". 

وكتب عمرو وهبة " ي بديهيات بس نقولها ، إحنا اتربينا على مثل وكلمة بنرددها كلنا في الجد والهزار، بتقول "كلب وراح" على أساس إن الكلب ده أو الحيوان عامة تمام يروح عادى مش مهم".

كائنات بتحس وتتألم

وتابع:"أي حد ربى حيوان هيفهم ده أكتر، بس عامه الكلاب والقطط والحمير والأحصنة كائنات حيه.. والكائنات الحيه بتحس ..وبتحس دى يعنى بتفرح وبتخاف وبتتوجع وبتتخض وبتزعل وبتزهق وبتتعصب وبتتوتر".  

أضعف من البشر
 

وأضاف: "وده مش كلام عاطفي، ده كلام علمي.. الجهاز العصبي بتاعهم بيشتغل زينا في حاجات كتير، وعندهم مشاعر وإن كانت بشكل مختلف شوية عننا كبشر" . 
واستكمل: "هما مش كائنات دايماً أقوى مننا فى التحمل.. هما زينا بيتعبوا عادى وبيتوتروا ساعات من الزحمة والدوشة، وبيتعصبوا ساعات من هزار الأطفال وغلاستهم العادية، وبيزعلوا من سوء التعامل والإهانة، بالعكس هما كمان أضعف، عشان هما زى الأطفال كده مش بيعرفو يتكلمو ولا يعبرو".

واختتم:"مينفعش نستقوى عليهم ولا نطلع عقدنا عليهم حتى تحت مسمى لازم يتربى لازم يخاف منى لازم أكسره أو هو متعود على كده".

ما حكم قتل الحيوان المفترس بعد واقعة سيرك طنطا؟.. عالم أزهري يجيب

يذكر أن أشاد الفنان عمرو وهبة، بمسلسل "أشغال شقة جدًا" الذى عُرض فى الموسم الرمضانى 2025، والذى يأتى استكمالا لأحداث الجزء الأول من العمل، الذى يدور حول زوجين غير قادرين على تربية ابنيهما التوأم، مما يضطرهما للجوء إلى مربية للأطفال، الأمر الذى يدخلهما في العديد من الأزمات.

صعوبة الأعمال الكوميدية 

وكتب عمرو وهبة، عبر حسابه الرسمي على "فيسبوك": "صناعة الكوميديا والضحك شغلانة صعبة جدًا، وبقت أصعب الكام سنة الأخيرة، بسبب "التيكتوك" و"الريلز" السريعة اللي خلت الناس رتمها أسرع وخلقها أضيق ومش عايزين هري، وعايزين النكتة بسرعة والكوميدي بالنسبالهم بقى اللي هو حدوتة لذيذة بيحكيها ناس دمها مش تقيل".

وأضاف: "أن هذا اتجاه عالمي ، في أمريكا أم الصناعة مبقوش عارفين يعملو مسلسل كوميدى زى "فرندز" أو "مودرن فاميلى" وآخر فيلم كوميدى بيضحك بجد بالنسبالى هو "هانج أوفر" وده إنتاج 2009".