عمرو أديب عن أزمة بـ لبن: «لن تعود المحلات للعمل إلا بعد استيفاء الشروط»
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «لن تعود محلات بلبن للعمل إلا بعد استيفاء الشروط، والناس بتوع بلبن قالوا إنهم هيستوفوا كل الأوراق والأشياء اللي مطلوبه منهم».
تعليق عمرو أديب على إغلاق المحال
ولفت الإعلامي عمرو أديب إلى أن: «فيه عندي ملاحظة؛ نفسي افهم هو ليه لما نيجي نقفل محل في مصر نجيب بخاخة ونكتب عليه مغلق لأسباب صحية أو غيره، ومكتوبة بشكل قبيح، حط ورقة أو يافطة أي حاجة، مصر الدولة الوحيدة اللي لما بتقفل محل بتعمله بالطريقة دي».
واستكمل: «شكلها وحش وشكلها رهيب، خط شكله قبيح جدا، ليه، أي الفكرة، عمري ما شوفتها في أي حته في الدونيا، لو سمحتم اقفل زي ما تقفل بس بلاش الطريقة الغريبة دي».
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «من سخرية الأشياء أننا مسمينه شم النسيم، على بعد 15 متر تشم رائحة الفسيخ والبطاريخ، خد بالك إن هذا الأمر مصري مليون % وقديم مليون %، ولا يمكن أن تتعاطى هذا الطعام الجبار إلا في مصر».
مفاعل نووي بالكامل
وأضاف: «يا جماعة في العالم كله مافيش حاجة تنفع غير في مصر، القعدة على الفسيخة وتفسيخهة وتفصيصحه، البطارخ بتولد طاقة نووية، وما سيحدث الليلة هي مفاعل نووي بالكامل، ولا أنصح بتجربتها في المنزل».
واهب حياتي للمشاهدين
ومازح الإعلامي عمرو أديب المشاهدين قائلا: «انا واهب حياتي للمشاهدين وكل شم نسيم بقرأ الشهادتين وعامل دعامة وبحتفل عادي».
حالة توجس مستمرة
وفي وقت سابق؛ قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «بقا عندنا حالة توجس مستمرة، حتى لو جبتلك الحاجة لحد عندك، الموضوع أبسط من كده، قواعد صحية التزم بيها، وحدوا بالكم من حاجة بتحصل، محل لما يكون ضخم زي كده بيكون ليه موردين كتير، ولما المحل يقفل بيلاقي فيه هجوم عليه اديني فلوسي دلوقتي مش عارف هتفتح ولا لأ».
