عمرو أديب عن شمّ النسيم: «الناس منتظرة إشارة البدء للهجوم على الفسيخ»
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «الناس ضاربة إجازة لحد يوم الاتنين، ومافيش أجمل من الشوارع في القاهرة دلوقتي، تمشي دلوقتي تصفر، الناس كلها قاعدة في البيت منتظرة تهجم على الفسيخ، الكل في انتظار إشارة البدء للفسيخ».
وأضاف الإعلامي عمرو أديب: «لما بطلب فسيخ من حد بقوله لو سمحت يبقى دلع شوية، ولا يتم تناول الفسيخ أو الرنجة إلا بالخبز البلدي العظيم».
نصيحة عمرو أديب للمواطنين
واستكمل «أديب»: «بما أنه يوم في السنة ارجوكم كونوا في الأمان علشان المستشفيات بتبقى بعافية شوية، وربنا يكرمكم».
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «من سخرية الأشياء أننا مسمينه شم النسيم، على بعد 15 متر تشم رائحة الفسيخ والبطاريخ، خد بالك إن هذا الأمر مصري مليون % وقديم مليون %، ولا يمكن أن تتعاطى هذا الطعام الجبار إلا في مصر».
مفاعل نووي بالكامل
وأضاف: «يا جماعة في العالم كله مافيش حاجة تنفع غير في مصر، القعدة على الفسيخة وتفسيخهة وتفصيصحه، البطارخ بتولد طاقة نووية، وما سيحدث الليلة هي مفاعل نووي بالكامل، ولا أنصح بتجربتها في المنزل».
واهب حياتي للمشاهدين
ومازح الإعلامي عمرو أديب المشاهدين قائلا: «انا واهب حياتي للمشاهدين وكل شم نسيم بقرأ الشهادتين وعامل دعامة وبحتفل عادي».
حالة توجس مستمرة
وفي وقت سابق؛ قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «بقا عندنا حالة توجس مستمرة، حتى لو جبتلك الحاجة لحد عندك، الموضوع أبسط من كده، قواعد صحية التزم بيها، وحدوا بالكم من حاجة بتحصل، محل لما يكون ضخم زي كده بيكون ليه موردين كتير، ولما المحل يقفل بيلاقي فيه هجوم عليه اديني فلوسي دلوقتي مش عارف هتفتح ولا لأ».
الإجراءات الصحية
وأضاف الإعلامي عمرو أديب: «رُب ضارة نافعة جدا، وكل الناس كدت تبص على الإجراءات الصحية، حلو انتباه، خلي الناس تنتبه».
التطورات المتلاحقة
واستكمل الإعلامي عمرو أديب: «اكيد تابعتم التطورات المتلاحقة في إغلاق فروع بلبن، الصراحة استجابة الرئيس السيسي استجابة حكيمة، والرئيس لما استجاب للنداء اللي أرسله رئيس مجلس إدارة بلبن كان التوجيه واضح جدا، لو سمحتم اقعدوا مع الجهات المعنية».
