«فاهمين كل حاجة من طأطأ لسلام عليكم».. عمرو أديب يفتح النار على مروجي الشائعات
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «توجيه الرئيس فيه جانب ليه علاقه بلبن والصحة وإن الناس تقعد مع بعضها، وفيه موضوع آخر ليه شكل سياسي، تحليلات سياسية عميقة ويأتي قرار الرئيس النهاردة ينسف كل التصريحات دي».
تحليلات أزمة بلبن
وأضاف عمرو أديب: «كل التحليلات دي بجرة قلم واحدة أنهت كل التصريحات، والناس اللي كانت بتتكلم عن مؤامرة سكتت دلوقتي، والكلام اللي تم ترويجه بالأمس، طبع موضوع عادي جدا مافيش حاجة».
واستكمل: «دلوقتي هناك تفكير إزاي يعدلوا الحكاية، يطلع الموضوع إزاي، ومعنى إن بكرة في جهات عديدة هتقعد مع بلبن إن همة فاهمين كل حاجة من طأطأ لسلام عليكم، أكلك، تراخيصك، فلوسك، استثماراتك».
إغلاق فروع بلبن
قال الإعلامي عمرو أديب: «اكيد تابعتم التطورات المتلاحقة في إغلاق فروع بلبن، الصراحة استجابة الرئيس السيسي استجابة حكيمة، والرئيس لما استجاب للنداء اللي أرسله رئيس مجلس إدارة بلبن كان التوجيه واضح جدا، لو سمحتم اقعدوا مع الجهات المعنية».
وأضاف الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «الرئيس أحال الأمر بكل حكمة، وجهات كثيرة جدا في اجتماع هيعقد غدا ودا لمصلحة المواطن ومصلحة البلد، والاستثمار، وكل المصالح يتم مراعاتها من خلال وضع النقط على الحروف».
واستكمل: «لما الرئيس وجه ما وجهش بحكم، لا وجه بتحكيم، نشوف أي الأخطاء، وخد بالك الواقعة لسلسلة المحلات دي هتخليها تحت النور، لازم تاخد بالك أوي، صحة الناس مهمة جدا، وتوجيه الرئيس معناه شوفوا الصح والصحة والصحيح، خدوا معاهم الإجراءات، وماحدش على راسه ريشة في البلد».
من ناحية أخرى؛ قال الدكتور مؤمن عادل المدير التنفيذي ورئيس مجلس إدارة مجموعة بلبن: «اتقفلت في السعوديه نتيجة اشتباه في حالات نزلات معوية لعدد كبير من الناس وكلمونا وقالوا عندكم كذا وحاولنا نعرف أي السبب كلمونا تاني قالوا هندور، وبعد كده قال لنا هنعمل غلق احترازي».
وأضاف خلال مداخلة هاتفية ببرنامج «الحكاية» والمذاع عبر قناة «ام بي سي مصر» تقديم الإعلامي عمرو أديب: «في مصر لحد وقت قريب كانت كل العينات مش فيها مشكلة فجأة لقينا الوضع في مصر اختلف في يوم وليلة اقفل كل الفروع، ومافيش ولا فرع اتعمل غير محضر واحد في زايد واتواصلنا مع الشخص وما كنش فيه مشكلة معاه».
