«محدش على راسه ريشة».. عمرو أديب يشيد بتوجيه الرئيس السيسي بشأن بـ"بلبن"
قال الإعلامي عمرو أديب: «اكيد تابعتم التطورات المتلاحقة في إغلاق فروع بلبن، الصراحة استجابة الرئيس السيسي استجابة حكيمة، والرئيس لما استجاب للنداء اللي أرسله رئيس مجلس إدارة بلبن كان التوجيه واضح جدا، لو سمحتم اقعدوا مع الجهات المعنية».
وأضاف الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «الرئيس أحال الأمر بكل حكمة، وجهات كثيرة جدا في اجتماع هيعقد غدا ودا لمصلحة المواطن ومصلحة البلد، والاستثمار، وكل المصالح يتم مراعاتها من خلال وضع النقط على الحروف».
واستكمل: «لما الرئيس وجه ما وجهش بحكم، لا وجه بتحكيم، نشوف أي الأخطاء، وخد بالك الواقعة لسلسلة المحلات دي هتخليها تحت النور، لازم تاخد بالك أوي، صحة الناس مهمة جدا، وتوجيه الرئيس معناه شوفوا الصح والصحة والصحيح، خدوا معاهم الإجراءات، وماحدش على راسه ريشة في البلد».
من ناحية أخرى؛ قال الدكتور مؤمن عادل المدير التنفيذي ورئيس مجلس إدارة مجموعة بلبن: «اتقفلت في السعوديه نتيجة اشتباه في حالات نزلات معوية لعدد كبير من الناس وكلمونا وقالوا عندكم كذا وحاولنا نعرف أي السبب كلمونا تاني قالوا هندور، وبعد كده قال لنا هنعمل غلق احترازي».
وأضاف خلال مداخلة هاتفية ببرنامج «الحكاية» والمذاع عبر قناة «ام بي سي مصر» تقديم الإعلامي عمرو أديب: «في مصر لحد وقت قريب كانت كل العينات مش فيها مشكلة فجأة لقينا الوضع في مصر اختلف في يوم وليلة اقفل كل الفروع، ومافيش ولا فرع اتعمل غير محضر واحد في زايد واتواصلنا مع الشخص وما كنش فيه مشكلة معاه».
واستكمل: «احنا بنبيع ملايين الوجبات شهريا، وكان عندي تعقيب، لو فيه حالات تسمم موجودة هتتثبت بمحضر، وحتى الآن مافيش ولا محضر جالنا».
وأضاف: «احنا ملتزمين بشكل كامل في اللي تطلبه مننا الدولة، في يوم وليلة اقفل لنا الفروع كلها، سألنا أي المشكلة مافيش حد بلغنا، في يوم وليلة الناس نزلت عملت غلق للفروع على مستوى الجمهورية».
وأوضح المدير التنفيذي ورئيس مجلس إدارة شركة بلبن: «احنا عندنا 25 ألف عامل سواء برا أو جوه، أنا لا عندي مشاكل ولا حاجه، أنا ما عنديش ناس جالها تسمم علشان يحصل دا كله، إحنا عندنا 6 شركات كل دول فيهم مشكلة ونفس البكتيريا».
وأكد: «احنا مصريين وولاد البلد والناس اللي موجودة دي ولاد البلد، وعندنا التزامات، وبطالب يا جماعة عاوز تعمل غلق قولي يا مؤمن الفرع دا فيه مشكلة».
