أرملة إسماعيل الليثي : قربت أنسى الأكل بعد وفاته
واصلت الميك أب آرتيست شيماء سعيد، أرملة إسماعيل الليثي، التعبير عن حزنها لوفاة المطرب الشعبي، وذلك بعد مرور أكثر من 4 أشهر عن رحيله عن عالمنا، إثر تعرضه لحادث سير أليم.
أرملة إسماعيل الليثي تواصل التعبير عن حزنها على رحيله
وقالت أرملة إسماعيل الليثي في فيديو متداول لها عبر السوشيال ميديا : "أنا نسيت يعني إيه أكل .. أنا قربت أنسى الطبخ .. وفي حاجات كتير بقيت أنساها .. وكنت مميزة في حاجات كتير بعملها في الأكل بقيت أنساها .. علشان هوا اللي كان بيحب ياكل من إيدي هوا اللي كان بيحببني إني أعمل أكل في البيت".
كل اللي أذوه واللي دمرونا أنا مش هسامحهم
وكانت قد أشارت شيماء سعيد في فيديو لها عبر تيك توك، إلى أنها لن تسامح من أذوها ودمروا زوجها على حد قولها، حيث قالت : "قضيت 4 شهور و10 أيام بأدب واحترام والشخص ده كان أبويا وأمي والنفس اللي بتنفسه .. الشخص ده أنا كنت عايشة علشانه هو .. وماكنتش بشوف رجالة غيره .. كل اللي أذوه واللي دمرونا أنا مش هسامحهم .. وهسيب حقي لربنا هوا اللي هياخدلي حقي من الناس دي كلها".
فيديو مؤثر لـ أرملة إسماعيل الليثي
وأضافت أرملة إسماعيل الليثي : "خدوا بالكم إن ربنا موجود والناس اللي بتأذي بقولهم الأذى وحش أوي .. وأنتم بتتعالوا على قضاء ربنا .. والشخص ده كان عايش وفاتح بيت ومخلف ولاد والابن مات ومحدش رحمني والراجل مات ومحدش رحمني .. واتسبيت ومحدش رحمني .. وهم ماخدوش مني غير كل خير لأني بعامل ربنا".
وأردفت : "أنا معنديش عزيز العزيز خلاص مات .. الحياة ماتت والدنيا ماتت بالنسبالي .. ورضا وأبو رضا كانوا الحياة والنفس اللي بتنفسه .. بس خلاص حكايتنا خلصت من قبل ما نبدأ .. وأنا مش عايزة غير دعواتكم له وليا .. ومحدش يزعل مراته ولا جوزه .. ومفيش حاجة مستاهلة وعلى قد ما تقدري اعفي".
